ក្រោយបើកប្រទេសឱ្យមានដំណើរការសេដ្ឋកិច្ចសង្គមឡើងវិញ គណៈសង្ឃនាយកនៃព្រះរាជាណាចក្រកម្ពុជាបានបន្តហាមប្រាមមិនឱ្យព្រះភិក្ខុសាមណេរ ដែលបានបួសនៅក្នុងសំណាក់ព្រះពុទ្ធសាសនា និមន្តទៅបិណ្ឌបាត ឬប្រមូលបច្ច័យនៅតាមអគោចរដ្ឋានដូចជាផ្សារ និងទីប្រជុំជនដែលមានមនុស្សអ៊ូអរច្រើន និងឈានដល់ចាប់ផ្សឹកក្នុងករណីមិនបានអនុវត្តបានត្រឹមត្រូវតាមធម៌វិន័យ។