សង្គមស៊ីវិលលើកឡើងថា រដ្ឋាភិបាលគួរតែមានការពិនិត្យឱ្យបានលម្អិតចំពោះប្រវត្តិរបស់បុគ្គលមួយចំនួន ដែលក្លាយជាឧកញ៉ា ព្រោះអ្នកខ្លះមានប្រវត្តិមិនសូវល្អ ក៏អាចក្លាយជាឧកញ៉ា។ ការលើកនេះបន្ទាប់ពី លោកនាយករដ្ឋមន្ត្រីហ៊ុន សែន អះអាងថា មាននារីជានិស្សិតសាកលវិទ្យាល័យម្នាក់ជាប់ក្នុងមន្ទីរឃុំឃាំងទាំងអយុត្តិធម៌ ដោយសារការលូកដៃពីឧកញ៉ាចំនួន ៥ នាក់ ដែលទាមទារចាំបាច់ឱ្យលោកធ្វើអន្តរាគមន៍ បើមិនដូច្នោះ និស្សិតម្នាក់នោះនឹងត្រូវនៅបន្តជាប់ក្នុងមន្ទីរឃុំឃាំង។