មន្ត្រីជាន់ខ្ពស់ក្រសួងយុត្តិធម៌ បានបង្ហាញទិដ្ឋភាពច្បាប់ទៅគណបក្សភ្លើងទៀនពាក់ព័ន្ធនឹងការស្នើសុំឱ្យមានការទម្លាក់បទចោទ និងការដោះលែងឱ្យនៅក្រៅឃុំ ចំពោះសកម្មជនគណបក្សដែលកំពុងស្ថិតក្នុងដំណើរការនីតិវិធីតុលាការ។ ខណៈលោក សុន ឆ័យ ស្នើសុំឱ្យក្រសួងយុត្តិធម៌ត្រួតពិនិត្យ និងឃ្លាំមើលតុលាការនៅតាមបណ្តារាជធានី-ខេត្តមួយចំនួន ដែលបានប្រព្រឹត្តខុសដោយបានចេញដីកាកោះហៅ និងចោទប្រកាន់ទៅលើសកម្មជន និងបេក្ខជនឈរឈ្មោះរបស់គណបក្សភ្លើងទៀនប្រមាណ ៣០ នាក់ ដោយគ្មានហេតុផលសមរម្យ។