តើទីក្រុងកៀវ កំពុងអភិវឌ្ឍអាវុធជីវសាស្ត្រនៅមន្ទីរពិសោធន៍សម្ងាត់ដោយមានការគាំទ្រពីសហរដ្ឋអាមេរិក ឬក៏គ្រាន់តែជាការអះអាងរបស់រុស្ស៊ី ដើម្បីបង្កើតលេសឱ្យមានសង្គ្រាមនៅប្រទេសអ៊ុយក្រែន។ កាលពីចុងខែមេសា ប្រធានាធិបតីរុស្ស៊ីបានលើកឡើងថា៖ «បណ្ដាញមន្ទីរពិសោធន៍អាវុធជីវសាស្ត្រលោកខាងលិច» នៅក្នុងអ៊ុយក្រែន គឺជាការគំរាមកំហែងដ៏ធំមួយ ដែលក្រុងម៉ូស្គូកំពុងប្រឈម ហើយដែលខ្លួនចង់កម្ចាត់ក្នុងការលុកលុយក្នុងប្រទេសនេះ។