គណៈកម្មាធិការអូឡាំពិកជាតិកម្ពុជា (NOCC) និងប្រធានបេសកកម្ម កាលពីថ្ងៃសៅរ៍ ទី ១៤ ខែឧសភា កន្លងទៅនេះ បានសម្តែងការសោកស្តាយ និងការខកចិត្ត បន្ទាប់ពីកីឡាការិនី ខាន់ ចេសា ដែលជាក្តីសង្ឃឹមរបស់កម្ពុជា លើការដណ្តើមមេដាយមាស ធ្លាក់ក្នុងពេលថ្លឹងទម្ងន់ និងមិនអាចចូលរួមក្នុងការប្រកួតលើវិញ្ញាសាជឺជីតស៊ូ ផ្នែកនារី នាព្រឹត្តិការណ៍កីឡាស៊ីហ្គេម លើកទី៣១ ដែលកំពុងដំណើរការក្នុងទីក្រុងហាណូយ ប្រទេសវៀតណាម។