កាលខែមីនា នាយករដ្ឋមន្ត្រីអូស្ត្រាលីលោក ស្កុត ម៉ូរីសុន (Scott Morrison) បានអួតថា យុទ្ធនាការការទូតវ៉ាក់សាំងកូវីដ ១៩ របស់រដ្ឋាភិបាលលោកនៅបណ្ដាប្រទេសសមុទ្រប៉ាស៊ីហ្វិក បានរារាំង «ការលុកលុយ» របស់ចិនចូលក្នុងតំបន់នេះ។ ប្រមាណ ២ សប្ដាហ៍ បន្ទាប់ពីការលើកឡើងបែបនេះ កោះសូឡូម៉ុងបានប្រកាសថា ខ្លួនកំពុងត្រៀមចុះហត្ថលេខាលើកិច្ចព្រមព្រៀងសហប្រតិបត្តិការសន្តិសុខជាមួយក្រុងប៉េកាំង។