រុស្ស៊ីរកចំណូលបាន $៩៦,៧ ពាន់លាន ពីការលក់ប្រេង និងឧស្ម័ន ទៅឱ្យប្រទេសនៅជុំវិញពិភពលោក ក្នុង ១០០ ថ្ងៃដំបូងនៃសង្រ្គាមអ៊ុយក្រែន-រុស្ស៊ី។ ចំនួនទឹកប្រាក់នេះ គឺពិតជាស្ថិតក្នុងចំនួនដ៏គួរឱ្យភ្ញាក់ផ្អើល បើទោះបីជាបរិមាណនៃការនាំចេញធ្លាក់ចុះគួរឱ្យកត់សម្គាល់នៅក្នុងខែឧសភា ខណៈដែលសហគមន៍អន្តរជាតិបានព្យាយាមកាត់បន្ថយការពឹងផ្អែកលើប្រេង និងឧស្ម័នរបស់ទីក្រុងម៉ូស្គូក៏ដោយ។