អន្តរក្រសួងបានឯកភាពជ្រើសរើសយកតំបន់បេតិកភណ្ឌធម្មជាតិភ្នំត្បែង ក្នុងខេត្ដព្រះវិហារ និងតំបន់គ្រប់គ្រង និងការពារជម្រកសត្វផ្សោតមេគង្គព្រែកកាំពីចាប់ពីខេត្ដក្រចេះដល់ខេត្ដស្ទឹងត្រែង ដាក់ចូលក្នុងបញ្ជីត្រៀមស្នើបញ្ចូលជាសម្បត្ដិបេតិកភណ្ឌធម្មជាតិពិភពលោករបស់អង្គការយូណេស្កូ។ នេះបើតាមលោក នេត្រ ភក្ត្រា រដ្ឋលេខាធិការក្រសួងបរិស្ថាន។