ក្រោយពីបញ្ចប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី ៥ ឆ្នាំ ២០២២ គជប ត្រៀមស្នើសុំកញ្ចប់ថវិកាចន្លោះពី ៥០ ទៅជិត ៦០ លានដុល្លារអាមេរិកពីក្រសួងសេដ្ឋកិច្ច និងហិរញ្ញវត្ថុ សម្រាប់ចំណាយក្នុងការបោះឆ្នោតជ្រើសតាំងតំណាងរាស្ត្រនីតិកាលទី ៧ ឆ្នាំ ២០២៣ ខាងមុខនេះ។ ខណៈអនុប្រធានគណបក្សភ្លើងទៀនថា ការស្នើថវិកានេះ គឺហាក់ដូចជាលឿនពេក ព្រោះ គជប មិនទាន់បានកែសម្រួល ភាពមិនប្រក្រតីមួយចំនួនដែលគណបក្សនយោបាយបានលើកឡើងក្នុងពេលបោះឆ្នោតជ្រើសរើស ក្រុមប្រឹក្សាឃុំសង្កាត់នៅឡើយទេ។