អង្គការសុខភាពពិភពលោក (WHO) កាលពីម្សិលមិញ បានទទួលស្គាល់កម្ពុជា ជាប្រទេសគំរូនៅក្នុងក្របខ័ណ្ឌតំបន់និងពិភពលោកដែលរាជរដ្ឋាភិបាលបានប្រើ នយោបាយចាក់វ៉ាក់សាំងកូវីដ-១៩ដល់ប្រជាពលរដ្ឋដើម្បីការពារការឆ្លងរាលដាលធ្ងន់ធ្ងរ។ ទាក់ទងនឹងការឆ្លងឡើងវិញនៃមេរោគកូវីដ១៩ រដ្ឋមន្ត្រីក្រសួងសុខាភិបាល លោក ម៉ម ប៊ុនហេង បានព្រមាន និងអំពាវនាវឱ្យប្រជាពលរដ្ឋមានការប្រុងប្រយ័ត្នខ្ពស់ចំពោះមេរោគកូវីដ១៩ ប្រភេទអូមីក្រុងបំប្លែងថ្មីBA.2 និងបានជំរុញឱ្យគ្រប់ថ្នាក់ដឹកនាំខេត្តទាំងអស់ចាក់វ៉ាក់សាំងកូវីដ-១៩ ដូសជំរុញដល់ប្រជាពលរដ្ឋឱ្យបានគ្រប់ៗគ្នា និងបានឆាប់រហ័ស ខណៈដែលករណីឆ្លងវីរុសកូវីដ១៩ក្នុងសហគមន៍បានចាប់ផ្តើមជាថ្មី។