ក្រសួងវប្បធម៌អះអាងថា រូបបដិមាខ្មែរមួយ ដែលគេហៅថា “Golden Boy” គឺជារបស់ខ្មែរ ដែលស្ថិតក្នុងសម័យអង្គរ សតវត្សរ៍ទី១១ នៃរចនាប័ទ្មបាពួន ខណៈបន្តការស្រាវជ្រាវ និងរៀបចំឯកសារបន្ថែមទៀត ដើម្បីទាមទារឲ្យសារមន្ទីរអាមេរិក ប្រគល់រូបចម្លាក់នេះត្រឡប់មកកម្ពុជាវិញ។ ការអះអាងយ៉ាងដូច្នេះ បានធ្វើឡើងបន្ទាប់ពីមានភាពចម្រូងចម្រាសគ្នារវាងអ្នកប្រើប្រាស់បណ្ដាញសង្គមកម្ពុជា និងថៃ ដោយអះអាងថា ជារបស់ជាតិសាសន៍រៀងៗខ្លួន។