តុលាការ នៅមិនទាន់ធ្វើសេចក្តីសម្រេចណាមួយ ទាក់ទងទៅនឹងចម្លើយ ព្រមទាំងឯកសាររបស់លោក សុន ឆ័យ ដែលបានចូលទៅភ្លឺនៅថ្ងៃទី ១២ ខែកក្កដា នៅឡើយទេ ដោយត្រូវការពេលវេលាសមស្រប ដើម្បីពិនិត្យទៅលើចម្លើយ និងឯកសារដែលបានដាក់ទាំងនោះ។ ខណៈលោកសុន ឆ័យថា ក្នុងនាមលោកជាអ្នកនយោបាយមួយរូប នៅពេលដែលឃើញមានភាពមិនប្រក្រតីណាមួយ នៅក្នុងដំណើការបោះឆ្នោត លោកត្រូវចេញមុខតវ៉ា ព្រោះនេះជាសិទ្ធិសេរីភាព ហើយលោកក៏សម្តែងការសោកស្តាយចំពោះ គជប ដែលបានប្តឹងរូបលោក។