រដ្ឋមន្ត្រីការបរទេសអាស៊ានចំនួន ៩ ប្រទេសបានឯកភាពគ្នាថា នឹងកែប្រែជំហរលើប្រទេសមីយ៉ាន់ម៉ា ប្រសិនបើមានការប្រហារជីវិតសកម្មជនគណបក្សប្រឆាំងបន្ថែមទៀត។ ខណៈអ្នកវិភាគនយោបាយថា ជំហររបស់រដ្ឋមន្ត្រីការបរទេសអាស៊ានពេលនេះគឺជារឿងមួយត្រឹមត្រូវ ព្រោះកុងសង់ស៊ីសទាំង ៥ ចំណុចហាក់ដូចជាមិនមានទម្ងន់លើក្រុមប្រឹក្សារដ្ឋបាលរដ្ឋរបស់មីយ៉ាន់ម៉ា (SAC) ទេ ដែលធ្វើឱ្យ «ពួកហ្នឹង» នៅតែបន្តគឃ្លើនមិនសហការ ហើយមិនបង្ហាញសុច្ឆន្ទៈក្នុងការអនុវត្តជាមួយអាស៊ាន។