រដ្ឋមន្ត្រីការបរទេសអាមេរិក លោក អង់ថូនី ប្ល៊ីនកែន ប្រាប់ថា សហរដ្ឋអាមេរិកនឹងការពារហ្វីលីពីន បើត្រូវបានវាយប្រហារនៅសមុទ្រចិនខាងត្បូង ដែលពាក្យសន្យានេះ ត្រូវបានធ្វើឡើងក្នុងដំណើរទស្សនកិច្ច ដើម្បីពង្រឹងទំនាក់ទំនងទ្វេភាគី ក្រោមការដឹកនាំនៃរដ្ឋាភិបាលរបស់ប្រធានាធិបតីថ្មី លោក ហ្វើរឌីណាន់ ម៉ារ៍កូស ជេ.អ។ ខណៈទំនាក់ទំនងការទូតរវាងហ្វីលីពីន និងចិន កំពុងប្រឈមនឹងភាពតានតឹង ក្នុងរយៈពេលប៉ុន្មានឆ្នាំចុងក្រោយនេះ។