ធនាគារជាតិនៃកម្ពុជា ស្នើដល់សាធារណជនទាំងអស់មេត្តាប្រុងប្រយ័ត្នឱ្យបានខ្ពស់បំផុត និងសូមលើកទឹកចិត្តឱ្យប្រើប្រាស់តែសេវារបស់គ្រឹះស្ថានផ្លូវការ ខណៈធនាគារជាតិនៃកម្ពុជា សង្កេតឃើញមានជនខិលខូចមួយចំនួនបានផ្សព្វផ្សាយយ៉ាងបើកចំហ និងផ្តល់ឥណទានដល់ប្រជាពលរដ្ឋតាមរូបភាពផ្សេងៗជាច្រើន ដូចជា ប្រព័ន្ធអនឡាញ បណ្តាញសង្គម និងការបិទផ្សាយតាមទីកន្លែងសាធារណៈនានា ដែលជាសកម្មភាពល្មើសនឹងច្បាប់ជាធរមាន។