អង្គការ TPO គឺជាអង្គការមួយដែលបាន ធ្វើសកម្មភាពជាច្រើនដើម្បីឆ្លើយតបនឹងបញ្ហាជំងឺ ផ្លូវចិត្តនៅកម្ពុជា។ អង្គការនេះ មានគោលដៅជួយទប់ស្កាត់ និងលើកកម្ពស់សុខភាពផ្លូវចិត្តតាមរយៈការផ្តល់ការប្រឹក្សាដោយឥតគិតថ្លៃ។ ជុំវិញបញ្ហានេះ ភ្នំពេញ ប៉ុស្តិ៍ បានធ្វើបទសម្ភាសជាមួយលោកស្រី ស៊ុន សូលីដា អ្នកចិត្តសាស្ត្រនៃអង្គការ TPO កម្ពុជា ដែលបានអះអាងថា រយៈពេល ៩ ខែឆ្នាំនេះ គ្លីនិក TPO បានផ្តល់សេវាប្រឹក្សា និងព្យាបាលជំងឺផ្លូវចិត្តជាង ១ ០០០ នាក់ ដែលចំនួននេះមានការកើនឡើងបើធៀបនឹងឆ្នាំមុន។