ប្រធានាធិបតីបារាំងលោក អេម៉ានុយអែល ម៉ាក្រុង បាននិយាយថា គ្មានហេតុផលអីដែលគួរភ័យស្លន់ស្លោចំពោះការកាត់ផ្តាច់ចរន្តអគ្គិសនីដែលអាចកើតឡើងនារដូវរងានេះនោះទេ។ ប៉ុន្តែទន្ទឹមនេះ លោកបានអំពាវនាវឱ្យពលរដ្ឋបារាំងប្រើប្រាស់ថាមពលសន្សំសំចៃជាងមុន និងស្នើឱ្យក្រុមហ៊ុនផ្គត់ផ្គង់អគ្គិសនីបារាំង (EDF) ចាប់ផ្តើមម៉ាស៊ីនរ៉េអាក់ទ័រនុយក្លេអ៊ែរឡើងវិញដើម្បីការពារការដាច់ភ្លើងក្នុងករណីអាកាសធាតុត្រជាក់។
