គណបក្សប្រជាជនកម្ពុជា (CPP) នៅខេត្តត្បូងឃ្មុំ ប្តឹងលោក គង់ គាំ ឧត្តមទីប្រឹក្សាគណបក្សភ្លើងទៀន ទៅតុលាការខេត្តត្បូងឃ្មុំ ដោយទាមទារជំងឺចិត្ត ចំនួន ៥០ ម៉ឺនដុល្លារអាមេរិក។ ខណៈនាយករដ្ឋមន្ត្រី ហ៊ុន សែន បញ្ជាក់ថា រាជរដ្ឋាភិបាល នឹងចាត់វិធានការតាមនីតិវិធីច្បាប់ ដើម្បីទាមទារយកនូវផ្ទះ និងដី ដែលគង់ គាំ បានស្នាក់នៅបច្ចុប្បន្ន និងបានបន្លំយកធ្វើជាកម្មសិទ្ធិឯកជន ដែលជាកម្មសិទ្ធិរបស់រដ្ឋត្រឡប់មកវិញដោយទុកពេលវេលាមួយខែជាកំហិត គិតពីថ្ងៃនេះ “ថ្ងៃទី ១១ ខែមករា ឆ្នាំ២០២៣” តទៅ។