ក្រោយពីឡើងមកកាន់អំណាចវិញនៅខែសីហា ឆ្នាំ ២០២១ ក្រុមតាលីបង់ បានដាក់ចេញនូវបម្រាម រឹតបន្តឹង និងបិទសិទ្ធិសេរីភាពរបស់ស្ត្រីនៅក្នុងប្រទេសអាហ្វហ្គានីស្ថាន។ ការណ៍នេះបាននាំឱ្យ សមាជិកក្រុមប្រឹក្សាសន្តិសុខអង្គការសហប្រជាជាតិជាច្រើននាពេលថ្មីៗនេះ អំពាវនាវឱ្យក្រុមតាលីបង់នេះ បញ្ចប់ការគាបសង្កត់លើស្ត្រីក្នុងប្រទេសអាហ្វហ្គានីស្ថានបន្តទៀត។