រដ្ឋសភាកម្ពុជា បានលើកឡើងថា សេចក្តីសម្រេចរបស់សភាអឺរ៉ុប បានបង្ហាញពីការមិនគោរពមកលើឯករាជភាព និងអធិបតេយ្យភាពរបស់ព្រះរាជាណាចក្រកម្ពុជា ដោយបានធ្វើឱ្យកម្ពុជាមានការខកចិត្តយ៉ាងខ្លាំងលើសភាអឺរ៉ុប។ ការលើកឡើងនេះ បន្ទាប់ពីសភាអឺរ៉ុប ចេញសេចក្តីសម្រេចអនុម័តជាផ្លូវការចំនួន ៧ ចំណុច ដោយក្នុងនោះមានការព្រមានពីការដកប្រព័ន្ធអនុគ្រោះពន្ធ EBA ពីកម្ពុជា ក្នុងករណីការបោះឆ្នោតជាតិនាខែកក្កដាខាងមុខ ប្រព្រឹត្តទៅមិនស្របតាមស្តង់ដាអន្តរជាតិ។
