ជាកូនកសិករក្រីក្រម្នាក់ដែលចាប់កំណើតនៅស្រុកស្វាយជ្រំ ខេត្តស្វាយរៀង បានប្ដេជ្ញាបូជាជីវិតរបស់ខ្លួនទាំងជាតិនេះ និងជាតិខាងមុខក្នុងការប្រយុទ្ធប្រឆាំងអំពើពុករលួយ ដែលជាឫសគល់នៃវិបត្តិសង្គមជាច្រើនតំណ។
លោកមិនមែនជាអ្នកនយោបាយទេតែជាវាគ្មិនដ៏ចំណានម្នាក់ជាគ្រូបង្រៀន ជាអ្នកសិក្សាខ្ពង់ខ្ពស់ខាងផ្នែកតម្លាភាពសង្គម សុចរិតភាព ជាអនុបណ្ឌិត វិទ្យាសាស្ដ្រនយោបាយនៅកម្ពុជា និងមានវិញ្ញាបនបត្រឯកទេសខាងផ្នែកប្រឆាំងអំពើពុករលួយពីមជ្ឈមណ្ឌលអន្ដរជាតិសម្រាប់ការសិក្សាសភានៃចក្រភពអង់គ្លេស។ នោះគឺលោក ព្រាប កុល ដែលបច្ចុប្បន្នជានាយកប្រតិបត្តិនៃអង្គការតម្លាភាពកម្ពុជា។