.jpg)
កីឡាករ Frank Ribery រងរបួសកំឡុងពេលប្រកួតជាមួយ ក្រុម Lecce។ រូប AFP
ក្រុងមីឡាន៖ តារាបាត់ទាត់ Frank Ribery នៅក្លិប Fiorentina អាចនឹងអវត្តមានប្រកួតរយៈពេល ១០ សប្ដាហ៍ ក្រោយពីទទួលការវះកាត់ក្បាលជង្គង់របស់ខ្លួនកាលពីថ្ងៃសៅរ៍។
ខ្សែប្រយុទ្ធ Ribery អាយុ ៣៦ ឆ្នាំរូបនេះបានរងរបួសនៅក្នុងការប្រកួតដែលក្រុមរបស់រូបគេបានចាញ់ក្រុម Lecce ១-០ ក្នុងក្របខ័ណ្ឌ Serie A កាលពីថ្ងៃទី ១០ ខែវិច្ឆិកា។
ក្លិប Fiorentina បានប្រកាសពីថ្ងៃសៅរ៍ថា ខ្សែប្រយុទ្ធបារាំងរូបនេះបានធ្វើការវះកាត់រួចហើយដោយរំពឹងថា រូបគេនឹងអាចបន្តការប្រកួតឡើងវិញបានក្នុងរយៈពេល ១០ សប្ដាហ៍ទៀត។
ក្លិបនេះបាននិយាយក្នុងរបាយការណ៍ថា៖ «កីឡាករ Frank Ribery ថ្ងៃនេះបានធ្វើការវះកាត់ ដោយជោគជ័យដើម្បីធ្វើឲ្យក្បាលជង្គង់របស់ខ្លួនមានលក្ខណៈប្រក្រតីឡើងវិញ ក្រោយពីត្រូវរបួសនោះ»៕ AFP/SN
