រុស្ស៊ី: លោក Adam Nawalka គ្រូបង្វឹកនៃក្រុមបាល់ទាត់ជម្រើសជាតិប៉ូឡូញ បានសន្យាថា នឹងធ្វើឲ្យក្រុមជម្រើសជាតិប៉ូឡូញ ធ្លាក់ចេញពី World Cup នៅពេលដែលក្រុមទាំង២ ជួបគ្នាក្នុងការប្រកួត «ដ៏តានតឹងមួយ» នៅថ្ងៃអាទិត្យនេះ ទោះបីខ្សែការពារដ៏មានឥទ្ធិពល Kamil Glik ស្ថិតក្នុងភាពស្រពេចស្រពិលក៏ដោយ។
ការរងបរាជ័យក្នុងលទ្ធផល ២-១ ក្រោមស្នាដៃក្រុមជម្រើសជាតិសេណេហ្គាល់ ក្នុងការប្រកួតបើកឆាកនៃពូល H របស់ពួកគេ បានធ្វើឲ្យក្រុមជម្រើសជាតិប៉ូឡូញ ត្រូវការដណ្តើមឲ្យបាន៣ពិន្ទុដំបូងរបស់ពួកគេក្នុងយុទ្ធនាការនេះនាកីឡដ្ឋាន Kazan Arena។
ក្រុមជម្រើសជាតិកូឡុំប៊ី ដែលបានឈានទៅវគ្គ ៨ ក្រុមចុងក្រោយជាលើកទី ១ ក្នុងប្រទេសប្រេស៊ីល កាលពី ៤ ឆ្នាំមុន នៅមុនពេលចាញ់ក្រុមម្ចាស់ផ្ទះនោះ កំពុងតែស្ថិតក្នុងស្ថានភាពស្រដៀងគ្នា ក្រោយពីបានរងបរាជ័យក្នុងលទ្ធផល ២-១ ក្រោមស្នាដៃក្រុមជម្រើសជាតិជប៉ុន ខណៈដែលពួកគេត្រូវបានបង្ខំឲ្យលេងជាមួយនឹងសមាជិកត្រឹមតែ ១០ នាក់សម្រាប់ការប្រកួតទាំងមូល។
លោក Nawalka បានកោតសរសើរក្រុមរបស់លោក Jose Pekerman ប៉ុន្តែ បានបញ្ជាក់ថា បើធ្វើការវិភាគទៅលើ «ទេពកោសល្យជារបស់កីឡាករម្នាក់ និងជាក្រុម» របស់ក្រុមអាមេរិកខាងត្បូងមួយនេះ មានន័យថា ប៉ូឡូញ មានប្រៀបច្រើនជាងក្នុងការឈ្នះ បើទោះបីកំពុងតែបង្ហាញខ្លួនក្នុង World Cup ជាលើកទី១របស់ពួកគេក្នុងរយៈពេល១២ឆ្នាំក៏ដោយ។
លោក Nawalka បានឲ្យដឹងថា៖ «ក្រុមបាល់ទាត់ជម្រើសជាតិកូឡុំប៊ី មានក្រុមដ៏ល្អឥតខ្ចោះមួយ ជាមួយនឹងគ្រូបង្វឹកដ៏អស្ចារ្យម្នាក់។ ពួកគេបានស្ថិតនៅជាមួយគ្នារយៈពេលជាយូរមកហើយ និងបានត្រៀមផ្នែកបច្ចេកទេសយ៉ាងល្អអស់រយៈពេលជាយូរមកហើយ។ ប៉ុន្តែ ខ្ញុំចង់សង្កត់ធ្ងន់ថា ខ្ញុំជឿជាក់ថា យើងនឹងឈ្នះនៅថ្ងៃស្អែកនេះ»៕ IS
កម្មវិធីប្រកួតថ្ងៃនេះ
England v Panama ម៉ោង 7 យប់
Japan v Senegal ម៉ោង 10 យប់
Poland v Colombia ម៉ោង 1 រំលងអធ្រាត្រ