.jpg)
តារាសម្តែងស្រីរាងតូចច្រឡឹង ស្រស់សោភា កញ្ញា ឌុច លីដា ហាងថ្មីដែលស្មានទើបតែបើកឈ្មោះ Ploy's Cafe។ រូបថត អ៊ីនស្តាក្រាម ស្រេង ម៉េងស្រ៊ុន
ភ្នំពេញៈ បង្កការភ្ញាក់ផ្អើលសាជាថ្មីដល់មហាជនដោយស្រាប់តែប្រទះឃើញតារាសម្តែងស្រីដែលផ្តើមភាពល្បីយ៉ាងខ្លាំងហ៊ានបញ្ចេញល្វែងលើនៅក្នុងឈុតងូតទឹកជ្រោះដ៏ត្រជាក់ល្ហឹមរបស់តារាសម្តែងស្រីតូចច្រឡឹងកញ្ញា ឌុច លីដា នៅក្នុងភាពយន្តខ្នាតធំប្រចាំឆ្នាំគឺរឿង «ស្បែកគង់» បង្ហោះរូបភាពហាក់ដូចជាចេតនាចង់ប្រាប់រឿងបើកហាងថ្មីក្រោយពីបិទរបរបើកហាងគុយទាវ ឈ្មោះថា «ឡាំឌួយ» មានទីតាំងនៅក្រោយមន្ទីរពេទ្យរុស្ស៊ីមក។
ការបង្ហើបបង្ហាញលើកនេះគឺមិនមានការប្រកូកប្រកាសដូចជាកាលបើកហាងគុយទាវកាលពីជិត ១ ឆ្នាំមុននោះឡើយដោយកញ្ញា ឌុច លីដា គ្រាន់តែថតរូបក្បែរហាងថ្មីដែលដាក់ឈ្មោះជាភាសាអង់គ្លេសថា «Ploy''s Cafe» ហើយបង្ហាញតាមបណ្តាញអ៊ីនស្តាក្រាម។
ខណៈកាលពីបើកហាងគុយទាវរបស់ខ្លួន តារាសម្តែងស្រីស្រស់ កញ្ញា ឌុច លីដា ធ្លាប់បានបង្ហោះសារប្រាប់ពីដំណឹងថា៖ «សួស្តីចា!អូនឡាំឌួយ បើកលក់ហើយ តោះ!ស្អែកនេះអ្នកណាចង់ស្គាល់នូវរសជាតិ គុយទាវ ឡាំឌួយខ្លះ? ចាំជួយគាំទ្រឡាំឌួយផងណា!»។
តែតារាស្រីមានរាសីឡើងកូដខ្លាំងក្នុងការថតកុន ហើយភាគច្រើននាងទទួលបានងារជាតួឯកក្នុងភាពយន្តខ្នាតធំ ជាពិសេសនាងក៏ធ្លាប់ត្រូវបានអ្នកទស្សនាបញ្ជាក់ឲ្យដឹងថា នាងពិតជាហ៊ានថតស្រាតបញ្ចេញនូវសាច់ល្វែងលើពិតៗ ដោយសារតែនាងទទួលបានតម្លៃខ្លួនយ៉ាងខ្ពស់នៅក្នុងការប្រជែងយកតំណែងតួឯកស្រីនៃវិស័យភាពយន្តខ្នាតធំបំផុតរបស់ខ្មែរគឺកុនរឿង «ស្បែកគង់» ដែលបានចំណាយនូវទុនវិនិយោគរហូតដល់ទៅ ៦៨ ម៉ឺន ដុល្លារបានបង្ហើបប្រាប់ភ្នំពេញ-ប៉ុស្តិ៍ថា៖ «អូ!អត់ទេបង!មិនមានបើកអ្វីថ្មីទៀតនោះឡើយ គឺខ្ញុំមិនមានពេលសម្រាប់ការបើករបររកស៊ីនៅឡើយទេ ព្រោះតែជាប់រវល់ការងារសិល្បៈខ្លាំងនាពេលឥឡូវនេះ។
ម្ចាស់ហាងដែលបងនិយាយនោះគឺគាត់ដូចជាជនជាតិថៃ ដែលទើបបើកនៅក្រុងភ្នំពេញនាពេលថ្មីៗនេះតែប៉ុណ្ណោះ។ ដោយសារខ្ញុំបានទៅដល់ទីនោះ ក៏ថតរូបលេងទៅ។ នាងខ្ញុំពិតជាអត់បានបើកហាងថ្មីអ្វីនោះឡើយ»។
គួររំឭកដែរថាទាក់ទងនឹងដើមទុន និងផ្ទះជាទីតាំងបើកហាងគុយទាវ «ឡាំឌួយ» ដែលបានបើកកាលពីជិត ១ ឆ្នាំមុននោះក៏ត្រូវតារាសម្តែងស្រីមានទីផ្សារថតកុនជាហូរហែ មិនដាច់ទាំងកុនដុំ និងកុនភាគ កញ្ញា ឌុច លីដា ធ្លាប់បង្ហើបប្រាប់ដែរថា៖ «មិនអស់ដើមទុនច្រើនពេកនោះទេគឺប្រមាណជាង ១ ម៉ឺន ដុល្លារស្តើងតែប៉ុណ្ណោះ។
ហើយនាងខ្ញុំគិតថាជាដើមទុនរកស៊ីដូចគេដូចឯងដែរទេ សម្រាប់តម្លៃបើកហាងគុយទាវប្រភេទជាខ្នាតតូចបែបនេះដែលអាចបម្រើភ្ញៀវបានប្រហែលមានចំនួនជាង ១០ តុប៉ុណ្ណោះ។ តែក៏សូមជម្រាបបងប្អូនដែរថាហាងនាងខ្ញុំមានលក់តែគុយទាវ និង មីស៊ុបប៉ុណ្ណោះ គឺមិនមានលក់បាយស្រូប ឬជាចំណីអាហារផ្សេងៗទៀតនោះឡើយ»៕
