ក្រុងឡាអេ: ក្រុងអាំស្ទែរដាំ ត្រៀមទប់ស្កាត់ភ្ញៀវទេសចរហូរចូលដូចទឹកបាក់ទំនប់មកលេងក្រុងនេះច្រើនពេក រហូតដល់ក្រុមប្រឹក្សាសេដ្ឋកិច្ចស្នើសុំចាត់វិធានការតឹងរ៉ឹង និងគ្រោងបង្កើនពន្ធទេសចរណ៍បន្ថែមទៀត។
ភ្ញៀវទេសចរប្រមាណ ១៨ លាននាក់ បានមកលេងក្រុងអាំស្ទែរដាំ របស់ហូឡង់ រៀងរាល់ឆ្នាំដែលលើសចំនួនប្រជាជនហូឡង់សរុបទៅទៀត ហើយពលរដ្ឋកាន់តែជ្រក់ជ្រេញនឹងវត្ដមានជនបរទេសនេះណាស់។
ស្ថិតក្រោមគម្រោង «ស្វែងរកតុល្យភាពថ្មី» ចាប់ពីឆ្នាំ ២០១៩ ពន្ធលើវិស័យទេសចរណ៍នឹងកើនឡើងដល់ ៧ ភាគរយ ខណៈទីក្រុងអាំស្ទែរដាំ ក៏នឹងស្វែងរកវិធីកាត់ចំនួនបន្ទប់សណ្ឋាគារព្រមទាំងការដាក់បម្រាមថ្មី កំណត់រយៈពេលមិនលើ ៣០ ថ្ងៃ សម្រាប់ការជួលផ្ទះឯកជនតាមរយៈការកក់តាមវេបសាយអនឡាញយក្ស Airbnb ចាប់ពីឆ្នាំក្រោយនេះ៕