.jpg)
ភ្នំពេញៈ ប្រធានបទចាស់ដែលបានលើកយកច្បាប់ស្រីមកបកស្រាយខុសន័យសេចក្តី ដែលចោទថា ជាច្បាប់ស្រីបង្កើតឲ្យមានគំនាបលើស្រ្តី កំពុងតែរងព្រនុងមហាជនយ៉ាងក្តៅគគុកមិនទាន់ស្ងប់ផងពីម្ចាស់គណនី A dose of Cath ក៏បង្កើតឲ្យរលកព័ត៌មានផ្អើលបន្តទៀតជាមួយនឹងប្រធានបទថ្មីរបស់នាងថា «តើការរួមភេទមុនពេលរៀបការខុសដែរឬទេ?»។
តារាស្រីទើបតែរះលើបណ្តាញសង្គមហ្វេសប៊ុក ពូកែខាងលើកយកប្រធានបទផ្លូវភេទមកបកស្រាយតាមរយៈវីដេអូឃ្លីប កញ្ញា សម្បត្តិ សុក្រសុវណ្ណកេសរ ហៅ Cath ទទួលរងព្រនុងរិះគន់យ៉ាងដំណំសាជាថ្មីពីមហាជនជាមួយនឹងប្រធានថ្មីម្តងទៀត។
គ្រាន់តែចេញវីដេអូផ្សាយនូវប្រធានបទថ្មីថា «តើការរួមភេទមុនពេលរៀបការខុសដែរឬទេ?» ភ្លាម អ្នកលេងបណ្តាញសង្គមក៏ចូលទៅ Comment បែបហួសចិត្ត និងមិនយល់ពីគោលបំណងរបស់កញ្ញា Cath យ៉ាងព្រោងព្រាតដូចជាមានអ្នកខ្លះថា៖ «ស្តាប់ហើយ ហួសចិត្ត! នេះជាខ្មែរ មិនមែនបរទេសទេ សូមនិយាយដោយត្រង់ថា វាខុសវប្បធម៌ ហើយមិនមែនប្រពៃណីខ្មែរទេ!»។
ចំណែកអ្នកខ្លះដែលមានវ័យក្មេងជាងនាង តែចេះគិតគូរពីវប្បធម៌ខ្មែរនោះថា៖ «បងស្រីនេះ ធ្វើឲ្យពុលសង្គមហើយ! គេនាំអ្វីដែលល្អមកបង្ហាញ តែគាត់នាំអារឿងចឹងៗមក ហើយថា ត្រូវទៀតចប់ហើយចែ!»។
លើសពីនេះ សូម្បីតែលោក ដួង សុខគា ពិធិករទូរទស្សន៍ CTN និងជាតារាចម្រៀងប្រពៃណីខ្មែរ ក៏ទ្រាំលែងបានក៏ចូលទៅបញ្ចេញសារព្រលះដល់កញ្ញា Cath ផងដែរ ព្រោះតែហួសចិត្តនឹងការលើកយកប្រធានបទប្លែកៗរបស់នាងមកបកស្រាយ និងប្រៀបធៀបខុសទំនងនោះ។
លោក ដួង សុខគា បានសរសេរថា៖ «ប្រទេសមួយមានទំនៀមទម្លាប់មួយ! បើគេរក្សាទម្លាប់ល្អមានវិន័យបាន គេមានតម្លៃរបស់គេ! ភាពរហេតរហូតវាដែលថ្លៃអ្ហី? បើច្នឹងចូរកុំយកវប្បធម៌អនាធិបតេយ្យផ្លូវភេទពីខាងក្រៅ មកបំពុលអី ពួកយើងមិនទទួលទេ! យល់?»។
លោកក៏បានបន្តថា៖ «ដូនតាខ្មែរយើង មិនឲ្យតម្លៃលើការដុសប្រេញទេ! ពូមោកទ្រាំអត់បានក៏បញ្ជេញយោបល់ពីឱរ៉ាមក!»៕
