.jpg)
ក្រុមជយលាភីពីការប្រកួតរ៉ូបូតមនុស្សយន្ត ATC កាលពីខែធ្នូ។ រូបថត សហការី
ក្រុងហាណូយ : ដោយសារតែក្ដីប្រច័ណ្ឌ ភរិយាហ៊ានចាប់សម្រាតសម្លៀកបំពាក់ស្រីកំណាន់ប្ដី រួចស្រោចទឹកត្រី និងម្ទេសហ្មត់លើរាងកាយអាក្រាត។
នាង ហ្គៀង ជុន អាយុ ៣០ ឆ្នាំ កំពុងធ្វើការក្នុងបន្ទប់ស្ប៉ាក្រុងថាញ់ហាវ ប្រទេសវៀតណាម កាលពីថ្ងៃអង្គារ វេលាម៉ោង ១០ យប់ ពេលកំហឹងប្រពន្ធក្លាយជាកំរោលចូល និងចោទប្រកាន់នាងពីបទសាហាយស្មន់ជាមួយប្ដីខ្លួន។
ស្ដ្រីរៀបការត្រូវគេជឿថា បានបោចសក់នាង ជុន ទាញទៅលើដងផ្លូវ រួចចាប់សម្រាតសម្លៀកបំពាក់ និងស្រោចទឹកត្រី។ យោងតាមសាក្សី ដាវីដ ផាម នាងត្រូវបានរោយម្ទេសហ្មត់លើរាងកាយអាក្រាតថែមទៀត។ ហេតុការណ៍នេះ ត្រូវបានលោក ដាវីដ ផាម ថត ហើយពេលនេះ ប៉ូលិសកំពុងស៊ើបអង្កេត។
លោក ផាម បាននិយាយថា៖ «ពួកគេព្រួតគ្នាជេនាង។ ប្រពន្ធរូបនោះ និយាយថា នាងបានរៀបការជាមួយប្ដី ១០ ឆ្នាំ ហើយម្ចាស់ហាងស្ប៉ានេះបានបំផ្លាញអាពាហ៍ពិពាហ៍របស់ខ្លួន»។
លោកបន្ដថា៖ «មានស្ដ្រីមួយក្រុមនាំគ្នាចាប់ហែកខោអាវ និងទះកំភ្លៀងនាង នៅកណ្ដាលផ្លូវតែម្ដង។ ជនរងគ្រោះអត់ហ៊ានតដៃអ្វីទេ ដោយគ្រាន់តែឱនក្រាបលើដី។ ខ្ញុំគិតថា នាងត្រូវបានបញ្ជូនទៅកាន់មន្ទីរពេទ្យដោយសារតែក្រហល់ក្រហាយម្ទេស»។
ស្នងការប៉ូលិសក្រុងថាញ់ហាវ លោក ឡាម សុនវ៉ាដ បានប្រាប់បណ្ដាញផ្សព្វផ្សាយក្នុងស្រុកថា ក្រុមមន្ដ្រីលោកបានទទួលការហៅទូរស័ព្ទនៅម៉ោង ១០ យប់អំពីនារីម្នាក់រងការវាយប្រហារកណ្ដាលផ្លូវ។
លោកនិយាយថា៖ «ពេលក្រុមយើងទៅដល់កន្លែងកើតហេតុ គ្រប់ភាគីបានចាកចេញអស់។ ជនបង្កត្រូវបានស្គាល់អត្ដសញ្ញាណ»៕ HR
ប្រភព odditycentral.com
