.jpg)
ប្រហោងជញ្ជាំងដ៏ល្បីល្បាញក្នុង TripAdvisor នៅក្រុងឡុងដ៍។ រូបថត អ៊ីនស្តាក្រាម
ក្រុងឡុងដ៍: ប្រហោងមួយនៅលើជញ្ជាំងខាងក្រៅធនាគារភាគកណ្ដាលប្រទេសអង់គ្លេសទទួលបានចំណាប់អារម្មណ៍យ៉ាងច្រើនលើវេបសាយទេសចរណ៍ TripAdvisor ដែលបានផ្ដិតយកទិដ្ឋភាពមិនត្រូវបានចាំបាច់ក្លាយជាចំណុចល្បីល្បាញ។
វេបសាយយក្សកាលពីថ្ងៃចន្ទបានផ្អាកការសរសេរអំពីទស្សនៈផ្សេងៗចំពោះសំណង់ស្ថាបត្យកម្មនៅក្បែរម៉ាស៊ីនដកប្រាក់ NatWest ក្នុងក្រុង Ilkeston ដោយដាក់សុំសេចក្ដីបកស្រាយដ៏ច្រើនសន្ធឹក។
«ប្រហោង NatWest» ដែលក្រុមអ្នកប្រើប្រាស់បណ្ដាញសង្គមបានហៅ និងទទួលនូវការបញ្ចេញមតិជាច្រើនលើវេបសាយតាំងពីខែធ្នូ ឆ្នាំ ២០១៨ តែក្នុងរបាយការណ៍បែបចំអកលេងសើចមួយនាពេលថ្មីៗនេះបានធ្វើឲ្យវាមានប្រជាប្រិយភាពបំផុតប្រចាំទីក្រុង។
អ្នកប្រើប្រាស់បណ្ដាញសង្គមម្នាក់បានសរសេរថា៖ «ខ្ញុំបានចំណាយពេលជាច្រើនម៉ោងគយគន់សម្រស់ស្ថាបត្យកម្មប្រហោង NatWest។ ខ្ញុំអាចប្រៀបធៀបវាទៅអច្ឆរិយ Stonehenge ឬ ថែមទាំងប្រាសាទ ពីរ៉ាមីត ដ៏អាថ៌កំបាំង»។
ប្រហោងលើជញ្ជាំងត្រូវបានគេជឿថា វាត្រូវបានសង់ដើម្បីឲ្យអតិថិជនមើលឃើញអ្នកលឹបលក្បែរនោះ។ អ្នកកោតស្ញប់ស្ញែងដ៏សម្បើមម្នាក់បានហៅថា វាជាគំរូរង្វង់ប្រហោងដ៏ល្អឥតខ្ចោះពុំដែលធ្លាប់ឃើញ ខណៈអ្នកដំណើរម្នាក់ដែលអះអាងថា មកពីកូរ៉េ ដើម្បីតែមើលប្រហោងលើជញ្ជាំងនេះ បានចាត់ទុកវាអច្ឆរិយវត្ថុល្អជាងមហាកំផែងចិន ប៉មទួអេហ្វែល និង Grand Canyon ថែមទៀត។
វេបសាយទេសចរណ៍ TripAdvisor ក៏ធ្លាប់មានរឿងអប្រក្រតីដោយភោជនីយដ្ឋានក្លែងក្លាយមួយឈ្មោះ «The Shed» បានក្លាយជាហាងម្ហូបកំពូលក្នុងទីក្រុងឡុងដ៍លើវេបសាយក្នុងឆ្នាំ ២០១៧៕ HR
