.jpg)
ផ្ទាំងរូបភាពផ្សព្វផ្សាយភាពយន្តរឿង Hi! Mom ជាភាពយន្តដែលរកបានចំណូលច្រើនបំផុតមួយនៅចិន។ AFP
ក្រុងស៊ាងហៃ៖ សមាជិកប្រជ្រៀតគ្នាចូលមើលកុនកំប្លែងសង់ទីម៉ង់ចិន ដែលក្លាយជាភាពយន្ដពេញនិយមបំផុតមួយប្រចាំប្រទេស និងជាកំណត់ត្រាប្រវត្ដិសាស្ដ្រ ដែលមានផលិតករភាពយន្ដជាស្ដ្រី។
ដោយបានដាក់បញ្ចាំងកាលពីប៉ុន្មានថ្ងៃមុន ភាពយន្ដ «Hi! Mom» របស់ផលិតករ ជៀ លីង បានក្លាយជាភាពយន្ដលក់ដាច់បំផុតលំដាប់ទី៤ នៅប្រទេសចិន ដោយសំបុត្រកុនត្រូវបានលលក់យ៉ាងតិច ៦៧០ លានដុល្លារ។ នេះបើយោងតាមអ្នកតាមដានការិយាល័យប្រអប់សំបុត្រ Maoyan។
បើវានៅបន្ដមានប្រជាប្រិយភាពថែមទៀត រឿង «Hi! Mom» អាចក្លាយជាភាពយន្ដរកចំណូលខ្ពស់បំផុត ដែលមានផលិតករជាស្ដ្រី។ អ្នកស្រី ជៀ ក៏បានដើរជាតួឯក ជាតួកូនស្រី ដែលរំឭកពីរឿងរ៉ាវអំឡុងឆ្នាំ ១៩៨១ មុនពេលចាប់កំណើត និងព្យាយាមជួយម្ដាយឱ្យបានរស់នៅប្រសើរជាងមុន។
ផ្ទាំងរូបភាពផ្សព្វផ្សាយភាពយន្តរឿង Hi! Mom ដែលធ្វើឲ្យទស្សនិកជនហូរទឹកភ្នែក។ AFP
ភាពយន្ដនេះជាផ្នែកខ្លះនិយាយពីជីវប្រវត្ដិ និងភាពជូរចត់របស់ម្ដាយអ្នកស្រី ជៀ ដែលបានស្លាប់ក្នុងឧប្បត្ដិហេតុមួយ ពេល ជៀ អាយុ ១៩ ឆ្នាំ។
អ្នកស្រី ជៀ និយាយពីភាពយន្ដ ដែលធ្វើឱ្យមហាជនស្រក់ទឹកភ្នែកពេញរោងកុង ទោះបីជាសាច់រឿងភាគច្រើនរំលេចភាពកំប្លុកកំប្លែងថា៖ «ម៉ាក់! កុំទៅអី! កុំចាកចេញពីខ្ញុំ»។
រោងភាពយន្ដចិនស្ទើរតែវិលទៅសភាពទាំងស្រុង ក្រោយពីប្រទេសប្រយុទ្ធប្រឆាំងនឹងវីរុសឆ្លងកូរ៉ូណា ហើយភាពយន្ដនេះបានផ្ដល់តម្លៃយ៉ាងសម្បើមដល់វិរៈភាពស្ដ្រីជាម្ដាយគ្រប់រូប។
ទស្សនិកជនរក្សាគម្លាតសុវត្ថិភាពនៅក្នុងរោងភាពយន្តមួយ នៅប្រទេសចិន។ AFP
និស្សិត យូ យ៉ាន់ទីង បាននិយាយក្រោយទស្សនាភាពយន្ដក្នុងក្រុងស៊ាងហៃថា៖ «ខ្ញុំមិនធ្លាប់គិតពីមុខមកសោះថា ម្ដាយខ្ញុំធ្លាប់ជាក្មេងស្រីម្នាក់កាលពីមុន»។
អ្នករិះគន់ភាពយន្ដឈ្មោះ ជីង រុនឈិង បាននិយាយថា រឿង «Hi! Mom» កំពុងពេញនិយមនៅលើបណ្ដាញសង្គមចិន Weibo ជាមួយតំណរភ្ជាប់ហាសថេក (#) ទាក់ទងនឹងភាពយន្ដ ដែលបានទាក់ទាញអ្នកទស្សនាជាង ១,៥ពាន់លានដង។
មហាជនជាច្រើនបានឱ្យដឹងថា ពួកគេនឹងប្រាប់អ្នកម្ដាយកុំរៀបការជាមួយឪពុក ឬមានកូនឱ្យសោះ។ ការលះលែងបានកើនឡើងរយៈពេលជាងពីរទសវត្សរ៍ចុងក្រោយក្នុងប្រទេសចិន ខណៈច្បាប់លះលែងត្រូវបានធ្វើឱ្យមានលក្ខណៈសរី ហើយស្ដ្រីកាន់តែឯករាជ្យចំពោះរឿងហិរញ្ញវត្ថុគ្រួសារ៕ AFP/HR
ទស្សនិកជនរក្សាគម្លាតសុវត្ថិភាពនៅក្នុងរោងភាពយន្តមួយ នៅប្រទេសចិន។ AFP
រូបភាពតំណាង៖ ទស្សនិកជនរក្សាគម្លាតសុវត្ថិភាពនៅក្នុងរោងភាពយន្តចិន និងផ្ទាំងរូបភាពផ្សព្វផ្សាយភាពយន្តរឿង Hi! Mom។ AFP
