ក្រុងវ៉ាស៊ីនតោន: អគ្គិភ័យចម្លែកៗជាហូរហែក្នុងភោជនីយដ្ឋានស៊ូស៊ិនៅសហរដ្ឋអាមេរិកត្រូវបានស្ដីបន្ទោសលើឧក្រិដ្ឋជនគ្មានខ្លួនដែលជាគ្រឿងផ្សំបំពងកើតឡើងឯកឯង។
គ្រឿងផ្សំមិនសមនឹងបង្កភ្លើងឆេះសោះនោះ បើមិនចេះគ្រប់គ្រងឲ្យបានត្រឹមត្រូវ វាក៏អាចបង្កអគ្គិភ័យដែរ។
កងពន្លត់អគ្គិភ័យស្ថិតក្នុងទីក្រុងម៉ាឌីសុន រដ្ឋវីស្កូនសិន បានឲ្យដឹងថា អគ្គិភ័យ ២ ករណីនៅភោជនីយដ្ឋានជប៉ុនកាលពីដើមបង្កឡើងដោយការបំពងម្សៅស្រួយស្រដៀងនឹងម្សៅបំពងថេមភូរ៉ារួចទុកចោល។
នាយកផ្នែកអគ្គិភ័យក្រុងមីដវ៉េស្ទើនបានឲ្យដឹងក្នុងព្រឹត្ដិបត្រស្ដីពីសុវត្ថិភាពថា៖ «ខ្លាញ់បំពង ជាពិសេសប្រេងសណ្ដែកសៀង និងផ្កាខាណូឡាមានសារធាតុងាយឆាបឆេះពេលត្រូវកម្ដៅខ្លាំង»។
ខណៈភោជនីយដ្ឋានជប៉ុនភាគច្រើនសម្បូរដោយអាហារឆៅមិនសូវទាមទារការប្រើប្រាស់ភ្លើងចម្អិននោះ ព្រឹត្ដិបត្របានបន្ដពន្យល់ពីមូលហេតុនៃអគ្គិភ័យថា៖ «ដោយសារកម្ទេចនំប៉័ងរងនូវកម្ដៅអំឡុងពេលបំពង រួចស្រង់ទុកក្នុងចាន ឬកញ្ច្រែងដើម្បីឲ្យច្រោះខ្លាញ់ និងត្រជាក់ វារងនូវប្រតិកម្មចំហេះ។ ស្ថានភាពនេះអាចបង្កើតជាអណ្ដាតភ្លើងផងដែរ»។
អគ្គិភ័យ ២ ករណីនៅក្នុងទីក្រុងម៉ាឌីសុនបង្កឲ្យមានការបាត់បង់ទឹកប្រាក់យ៉ាងតិច ៥៧៥ ០០០ ដុល្លារ ហើយក្រុមអ្នកស៊ើបអង្កេតបានបន្ទោសលើ «ម្សៅបំពងស្រួយ» ដែលយ៉ាងហោចណាស់ជាប់ពាក់ព័ន្ធនឹងអគ្គិភ័យចំនួន ៥ ករណី។
ជាវិធានការទប់ស្កាត់នាយកដ្ឋានអគ្គិភ័យបានណែនាំឲ្យដាក់គ្រឿងផ្សំលើកម្រាលរាបស្មើដូចជា ថាសសម្រាប់ដុត ដើម្បីបញ្ចៀសការឆាបឆេះ៕ HR