ក្រុងគីតូ: ប្រាសាទពីរ៉ាមីតបុប្ផាដែលសង់ពីកុលាបជាង ៥០ ម៉ឺនទង ដើម្បីបំបែកកំណត់ត្រាឯតទគ្គកម្មហ្គីនណេសពិភពលោក ក្នុងទីក្រុងតាបាឃូនឌូ ប្រទេសអេក្វាទ័រ កាលពីថ្ងៃទី ១៤ ខែកក្កដា ឆ្នាំ ២០១៨។
ថ្មីៗនេះ កំណត់ត្រាពិភពលោកប្រាសាទផ្កាដ៏ធំបំផុតក្នុងលោកត្រូវបានគ្រងដោយឧទ្យានមីរ៉ាខលឌូបៃ ក្នុងអេមីរ៉ាតអារ៉ាប់រួម។
បុប្ផា និងរុក្ខជាតិកន្លះលានដើមត្រូវបានយកសង់ជា Airbus ៣៨០ ប្រវែង ៧៣ ម៉ែត្រ និងកម្ពស់ជាង ១០ ម៉ែត្រ ទម្ងន់ជាង ១០០ តោន រហូតបំបែកឯតទគ្គកម្មពិភពលោក កាលពីថ្ងៃទី ២ ខែធ្នូ ឆ្នាំ ២០១៦។
ការសង់ប្រាសាទពីរ៉ាមីតធ្វើអំពីផ្កាកុលាបនេះត្រូវបានប្រើផ្កាជាងកន្លះលានទង ជាចំនួនប្រហាក់ប្រហែលទៅនឹងកំណត់ត្រាចាស់ដែរ។
វេបសាយ El Universal បានរាយការណ៍ថា សំណង់ផ្កា ស្ថិតនៅតំបន់ ប៉េត្រូម៉ុងស្យាយ៉ូ ជាប្រាសាទចម្លងពីរ៉ាមីត នៅឧទ្យានបុរាណវត្ថុវិទ្យា Cochasqui ក៏ស្ថិតនៅក្នុងតំបន់ប៉េត្រូម៉ុងស្យាយ៉ូ។
ប្រាសាទពីរ៉ាមីតកំពូលរាប ក្នុងឧទ្យាននោះ ក៏ពំនូកជម្រាល រ៉េមមោន ឬ តូឡាសមានប្រវត្ដិតាំងពីសម័យបុរេអ៊ីនកាស៊ីវិល័យ។
El Universal បានបន្ដថា សំណង់ផ្កាដ៏ធំមហិមានេះ ត្រូវបានកសាងឡើង ដើម្បីជំរុញវិស័យទេសចរណ៍ និងលើកស្ទួយការនាំចេញផ្កាកុលាបពីអេក្វាទ័រផងដែរ។
អេក្វាទ័រ ក៏បានគ្រងឯតទគ្គកម្មនាំយកផ្កាច្រើនបំផុតលំដាប់ទី ៣ ក្នុងពិភពលោក បន្ទាប់ពីប្រទេសហូឡង់ និងកូឡុំប៊ី៕