.jpg)
គ្រឿងចក្រវាយកម្ទេចអគារចាស់ដើម្បីយកទីតាំងអភិវឌ្ឍឡើងវិញនៅក្រុងស៊ាងហៃ។ AFP
ក្រុងប៉េកាំងៈ តម្លៃអចលនទ្រព្យក្នុងប្រទេសចិនបានមើលឃើញអត្រាកំណើនទាបជាងមុននៅដំណាច់ឆ្នាំ ២០១៩ ធៀបនឹងដំណាច់ឆ្នាំ ២០១៨។ នេះបើយោងតាមទិន្នន័យផ្លូវការ។
ធនាគារកណ្តាលចិនបានឲ្យដឹងក្នុងរបាយការណ៍អនុវត្តគោលនយោបាយរូបិយវត្ថុប្រចាំត្រីមាសចុងក្រោយបំផុតរបស់ខ្លួនថា តម្លៃផ្ទះពាណិជ្ជកម្មដែលសាងសង់ថ្មីនៅក្នុងទីក្រុងធំ និងមធ្យមចំនួន ៧០ ទីក្រុងនៅទូទាំងប្រទេសចិន បានកើនឡើង ៦,៨ ភាគរយនៅដំណាច់ឆ្នាំ ២០១៩ ធៀបនឹងរយៈពេលដូចគ្នានៅឆ្នាំ ២០១៨ និងធ្លាក់ ៣,៧ ពិន្ទុភាគរយពីឆ្នាំ ២០១៨។
តម្លៃផ្ទះដែលប្រើប្រាស់រួចបានកើនឡើង ៣,៧ ភាគរយនៅដំណាក់កាលឆ្នាំ ២០១៩ ធៀបនឹងរយៈពេលដូចគ្នានៅឆ្នាំ ២០១៨ និងធ្លាក់ចុះ ៤ ពិន្ទុភាគរយធៀបនឹងឆ្នាំ ២០១៨។
ផ្ទៃក្រឡាពាណិជ្ជកម្មដែលបានលក់ចេញទូទាំងប្រទេសមានកម្រិតដូចទៅនឹងការលក់នៅឆ្នាំ ២០១៨ ដោយការលក់កើនឡើង ៦,៥ ភាគរយធៀបនឹងឆ្នាំ ២០១៨។ អត្រាកំណើនលក់បានធ្លាក់ចុះ ៥,៧ ពិន្ទុភាគរយធៀបនឹងដំណាច់ឆ្នាំ ២០១៨។
អត្រាកំណើននៃកម្ចីអចលនទ្រព្យបានបន្តធ្លាក់ចុះជាលំដាប់។
នៅដំណាច់ឆ្នាំ ២០១៩ តុល្យការនៃកម្ចីអចលនទ្រព្យពីគ្រឹះស្ថានហិរញ្ញវត្ថុធំៗ (រួមទាំងការវិនិយោគដោយប្រទេស) នៅទូទាំងប្រទេសមានចំនួន ៤៤,៤១ ពាន់ពាន់លានយន់ (៦,៣៤ ពាន់ពាន់លានដុល្លារ) កើនឡើង ១៤,៨ ភាគរយធៀបនឹងដំណាច់ឆ្នាំ ២០១៨។ អត្រាកំណើនបានធ្លាក់ចុះ ៥,២ ពិន្ទុភាគរយធៀបនឹងដំណាច់ឆ្នាំ ២០១៨។
តុល្យការកម្ចីអចលនទ្រព្យមានចំនួន ២៩ ភាគរយនៃកម្ចីទាំងអស់។ ក្នុងចំណោមកម្ចីទាំងនេះតុល្យការនៃកម្ចីទិញផ្ទះផ្ទាល់ខ្លួនមានចំនួន ៣០,២ ពាន់ពាន់លានយន់កើនឡើង ១៦,៧ ភាគរយធៀបនឹងដំណាច់ឆ្នាំ ២០១៨។ អត្រាកំណើនបានធ្លាក់ចុះ ១,១ ពិន្ទុភាគរយធៀបនឹងដំណាច់ឆ្នាំ ២០១៨៕ People''s Daily/KC
