នាយកគ្រប់គ្រងសាលា SCIA លោក Anselm Chu (ស្តាំ) និយាយទៅកាន់សិស្សនិស្សិតអំឡុងព្រឹត្តិការណ៍មហាវិទ្យាល័យ។
តើស្ថាប័នអប់រំនៅកម្ពុជាដែលមាននិស្សិតបញ្ចប់ការសិក្សាជាមួយជំនាញត្រឹមត្រូវបានបំពេញតាមតម្រូវការទីផ្សារការងារហើយឬនៅ ឬមានភាពមិនស៊ីគ្នាក្នុងតម្រូវការ និងការផ្គត់ផ្គង់ជំនាញនៅឡើយទេ?
ក្រសួងអប់រំ យុវជន និងកីឡាបានទទួលស្គាល់ថា មុខវិជ្ជាវិទ្យាសាស្ត្រ បច្ចេកវិទ្យា វិស្វកម្ម គណិតវិទ្យា (STEM) មានសារៈសំខាន់ណាស់ដើម្បីធានាឲ្យប្រជាជនរបស់ខ្លួនមានការប្រកួតប្រជែងក្នុងទីផ្សារការងារ។ មូលហេតុមួយក្នុងចំណោមហេតុផលជាច្រើនដែលសាលា SCIA មកកាន់ទីក្រុងភ្នំពេញ គឺដើម្បីផ្តល់ជំនួយអប់រំនៅក្នុងផ្នែកនេះ។
បច្ចេកវិទ្យា ជាពិសេសនៅក្នុងផ្នែកទំនាក់ទំនង និងប្រព័ន្ធផ្សព្វផ្សាយគឺមានសារៈសំខាន់ក្នុងការផ្លាស់ប្តូរជីវិតរស់នៅរបស់មនុស្សពីរបៀបទំនាក់ទំនងក្នុងអាជីវកម្មសកលដែលត្រូវបានភ្ជាប់ទំនាក់ទំនងគ្នា។ តើ SCIA អាចរួមបញ្ចូលគ្នានូវប្រព័ន្ធសិក្សាបែបប្រពៃណី និងបច្ចេកវិជ្ជាទំនើបនៅក្នុងថ្នាក់រៀនដើម្បីផ្តល់ការអប់រំប្រកបដោយគុណភាព និងបង្កើតនិស្សិតបញ្ចប់ការសិក្សាដែលមានទេពកោសល្យយ៉ាងដូចម្តេច?
ជាមួយនឹងវត្តមាននៃបច្ចេកវិទ្យាទំនាក់ទំនងផ្នែកព័ត៌មានវិទ្យា ការអប់រំនៅតាមប្រទេសជាច្រើនលើពិភពលោកមើលឃើញពីការផ្លាស់ប្តូរយ៉ាងខ្លាំងនៅក្នុងរបៀបបង្រៀន និងរៀន។ ប្រទេសសិង្ហបុរីបានចាប់ផ្តើមតាំងពីឆ្នាំ ១៩៩៧ ក្នុងការធានាសិស្សរបស់យើងដែលត្រូវបានបង្រៀនជំនាញបច្ចេកវិទ្យាព័ត៌មានដែលចាំបាច់នៅក្នុងកម្មវិធីសិក្សាធម្មតារបស់សាលា។ ហេដ្ឋារចនាសម្ព័ន្ធនៃបច្ចេកវិទ្យាត្រូវបានពន្លឿនដើម្បីគាំទ្រគំនិតផ្តួចផ្តើមថ្មីនេះ។
SCIA នាំយកមកនូវកម្មវិធីសិក្សាដែលបានបង្រៀននៅក្នុងប្រទេសសិង្ហបុរី។ ដោយត្រូវតែធ្វើឲ្យបាននូវការអនុវត្តល្អដូចជាបច្ចេកវិទ្យាទំនាក់ទំនងព័ត៌មានវិទ្យា (ICT) នៅក្នុងមេរៀន គឺប្រៀបបានដូចជា DNA របស់ SCIA ដូច្នោះដែរ។
ដើម្បីបង្កើតទំនាក់ទំនងប្រកបដោយប្រសិទ្ធភាពជាមួយមាតាបិតា SCIA ប្រើការទំនាក់ទំនងទាំងបែបប្រពៃណី (តាមសំបុត្រ និងអ៊ីមែលអេឡិចត្រូនិក) និងប្រព័ន្ធឌីជីថលតាមរយៈការប្រើប្រាស់កម្មវិធី Class Dojo សម្រាប់ទំនាក់ទំនងក្នុងថ្នាក់រៀន។
កម្ពុជាមិនត្រឹមតែត្រូវការហេដ្ឋារចនាសម្ព័ន្ធរូបវន្តទេ តែជំនាញសិក្សាផ្នែក ការគិតហៅថាជំនាញទន់ ក៏ស្ថិតនៅក្នុងតម្រូវការខ្ពស់ផងដែរដោយសារតែសេដ្ឋកិច្ចរីកចម្រើនទៅមុខ។ តើ SCIA មានតួនាទីអ្វីខ្លះនៅក្នុងទិដ្ឋភាពនេះ?
SCIA យល់ថា ខណៈដែលហេដ្ឋារចនាសម្ព័ន្ធរូបវន្តផ្តល់នូវការមើលឃើញដ៏ល្អស្មារតីនៃការអប់រំស្ថិតនៅលើកម្មវិធីសិក្សារបស់ខ្លួន។
ម្ចាស់ពានរង្វាន់របស់ SCIA ទទួលបានការអប់រំជាសកលរួមមានចំណេះដឹង សោភណភាព សីលធម៌ រូបវន្តបុគ្គល និងរបៀបរបបសង្គម។ ការអប់រំគួរតែអភិវឌ្ឍនៅវ័យកុមារ និងមិនផ្ដោតខ្លាំងលើការសិក្សាតែមួយទេ។
ការបញ្ចូលផ្នែកទាំងនេះក្នុងកម្មវិធីសិក្សារបស់ SCIA គឺមានមុខវិជ្ជាដូចជាតួអង្គ ភាពជាអ្នកដឹកនាំ ការយល់ដឹងការអប់រំជាសកល (CLGE) សកម្មភាពកម្មវិធីសិក្សារួមផ្សំ (CCA) ការអភិវឌ្ឍសហគ្រិនភាព និងទេពកោសល្យ។ តាមរយៈការរៀនសូត្រអំពីការសិក្សាអប់រំជាសកល (HELM) សាលា SCIA មានគោលបំណងអភិវឌ្ឍនិស្សិតដែលជាអ្នករិះគិត អ្នកច្នៃប្រឌិត និងអ្នកបង្កើតថ្មីសម្រាប់អនាគតរបស់ពួកគេ។
អក្ខរកម្មផ្នែកហិរញ្ញវត្ថុក្នុងចំណោមសិស្សានុសិស្សបានក្លាយជាប្រធានបទនៃការជជែកវែកញែកយ៉ាងខ្លាំងទាំងនៅក្នុងបណ្តាប្រទេសកំពុងអភិវឌ្ឍន៍ និងប្រទេសអភិវឌ្ឍនៅពេលដែលបំណុលរបស់សិស្សបានកើនឡើងដល់រាប់ពាន់លានដុល្លារទូទាំងពិភពលោក។ តើគ្រឹះស្ថានអប់រំជាន់ខ្ពស់នៅក្នុងស្រុកមានសមត្ថភាពគ្រប់គ្រាន់ដើម្បីលើកកម្ពស់ចំណេះដឹងខាងហិរញ្ញវត្ថុក្នុងចំណោមសិស្សានុសិស្សដែរឬទេ? តើ SCIA កំពុងអប់រំនិស្សិតវ័យក្មេងលើប្រធានបទនេះរបៀបណា?
អក្ខរកម្មលេខត្រូវបានបង្រៀននៅក្នុងប្រព័ន្ធអប់រំទាំងអស់។ គណិតវិទ្យា គឺមានសារៈសំខាន់ក្នុងការអភិវឌ្ឍជំនាញគិត។
នៅពេលមនុស្សម្នាក់យល់ដឹងអំពីគណិតវិទ្យា គាត់នឹងអាចសិក្សាលើមុខវិជ្ជាដែលត្រូវការចំណេះដឹងផ្នែកគណិតវិទ្យាដូចជាធនាគារ ពន្ធដារ ការគ្រប់គ្រងអាជីវកម្មជាដើម។ នៅក្នុងស្មារតីនៃការរៀនសូត្រ មនុស្សត្រូវបន្តការស្វែងរកចំណេះដឹងថ្មីៗដើម្បីឲ្យឆ្លើយតបការងារទទួលខុសត្រូវពាក់ព័ន្ធ។
SCIA ជឿជាក់លើការអប់រំតាមរយៈការរៀនពិសោធ និងមើលឃើញនូវអត្ថប្រយោជន៍នៃការធ្វើការជាមួយអង្គការនានាក្នុងការផ្តល់នូវបទពិសោធដ៏មានអត្ថន័យសម្រាប់សិស្សរបស់យើង។
វាស្ថិតនៅក្នុងផែនការដើម្បីចូលរួមជាមួយ សូមផ្តល់ត្រឹមតែ ២ ស្ថាប័នដូចជាធនាគារ និងក្រុមហ៊ុនផ្តល់សេវាធានារ៉ាប់រង សម្រាប់កិច្ចសហការក្នុងផ្នែកអក្ខរកម្មហិរញ្ញវត្ថុ។
ប្រទេសកម្ពុជាកំពុងមើលឃើញសហគ្រិនវ័យក្មេងជាច្រើនដែលជាយុវជនកម្ពុជាបានប្រឡូកចូលទៅក្នុងគំនិតផ្ដួចផ្តើមអាជីវកម្មថ្មីៗទាន់សម័យដូចជាបច្ចេកវិទ្យាហិរញ្ញវត្ថុ បច្ចេកវិទ្យាគមនាគមន៍ព័ត៌មានវិទ្យា និងប្រព័ន្ធផ្សព្វផ្សាយថ្មី។
តើអ្វីបានជំរុញឱ្យមានកំណើននៃសហគមន៍ធុរកិច្ចវ័យក្មេងនេះ?
អ្នកជំនាន់ក្រោយសព្វថ្ងៃនេះទទួលបានព័ត៌មានយ៉ាងរហ័សដោយសារតែបច្ចេកវិទ្យា និងប្រព័ន្ធផ្សព្វផ្សាយសង្គម។
មិនដូចកាលពីអតីតកាល យើងទទួលព័ត៌មានបានតិចតួចអំពីការអភិវឌ្ឍថ្មីៗដោយពឹងផ្អែកលើទូរទស្សន៍ វិទ្យុ និងកាសែតតែប៉ុណ្ណោះ។
ជាក់ស្តែងភាពជោគជ័យរបស់សហគ្រិននៅលើពិភពលោកបានក្លាយជាចំណាប់អារម្មណ៍ដល់ប្រជាជនកម្ពុជា។
ក្នុងនាមជាយុវជនជំនាន់ក្រោយ ពួកគេមានគ្រប់យ៉ាងស្ទើរតែមិនខ្វះខាតអ្វីមួយឡើយ។ ផ្នែកប្រព័ន្ធផ្សព្វផ្សាយសង្គម បង្រៀននូវការទំនាក់ទំនង និងភាពជោគជ័យ។ មនុស្សសព្វថ្ងៃមិនមានភាពស្ទាក់ស្ទើរក្នុងការចែករំលែកព័ត៌មាន និងគន្លឹះសំខាន់ៗនោះទេ។ ជឿលើសំណាងតិចតួច ប៉ុន្តែផ្អែកលើការប្តេជ្ញាចិត្តដ៏មោះមុត គ្មានអ្វីដែលរារាំងដល់ភាពជោគជ័យសម្រាប់មនុស្សជំនាន់ក្រោយបានឡើយ៕
