នៅក្នុងឆ្នាំនេះប្រទេសសិង្ហបុរីនឹងអបអរពិធីបុណ្យឯករាជ្យជាតិលើកទី ៥៣ ឆ្នាំរបស់ខ្លួន។ ត្រឡប់ទៅឆ្នាំ ១៩៦៥ វិញនៅពេលដែលសិង្ហបុរីត្រូវបានបំបែកចេញពីប្រទេសម៉ាឡេស៊ី គឺជាដីកោះតូចមួយមិនមានការអភិវឌ្ឍ និងមិនមានធនធានធម្មជាតិអ្វីនោះទេ។
នៅក្នុងរយៈពេល ៥៣ ឆ្នាំមកនេះសិង្ហបុរីត្រូវបានគេកោតសរសើរចំពោះសមិទ្ធផលជាច្រើនក្នុងនោះរួមមានជាប្រទេសដែលមានសេដ្ឋកិច្ចប្រកួតប្រជែងធំបំផុតទី ២ ជាមជ្ឈមណ្ឌលហិរញ្ញវត្ថុធំបំផុតទី ៤ និងជាប្រទេសដែលមានអាកាសយានដ្ឋានល្អបំផុតក្នុងពិភពលោក។
អាថ៌កំបាំងនៃភាពជោគជ័យនេះគឺអាស្រ័យលើការអភិវឌ្ឍធនធានដែលមានស្រាប់របស់ប្រទេសតែមួយគត់គឺប្រជាជនរបស់ខ្លួន។ រដ្ឋាភិបាលសិង្ហបុរីបានទទួលស្គាល់ការអប់រំគឺជាកូនសោដ៏សំខាន់បំផុតដែលបានបើកផ្លូវឆ្ពោះទៅរកការផ្លាស់ប្តូរពោរពេញដោយការអភិវឌ្ឍក្លាយជាប្រទេសអ្នកមាន។
រហូតមកដល់បច្ចុប្បន្ននេះការអប់រំនៅតែជាវិស័យដ៏សំខាន់បំផុតចំពោះវឌ្ឍនភាពរបស់ប្រទេស ខណៈដែលប្រទេសសិង្ហបុរីនៅតែជាប្រទេសឈានមុខគេមួយនៅក្នុងវិស័យអប់រំ និងជាប់ក្នុងចំណាត់ថ្នាក់កំពូលនៅក្នុងការសិក្សាអប់រំលក្ខណៈអន្តរជាតិ។ ការរីកចម្រើនរបស់ប្រទេសសិង្ហបុរីបណ្តាលឲ្យមានការបង្កើតឡើងនូវក្រុមហ៊ុន Singapore Institute of Management (SIM) Group ផងដែរ។
ជាមួយការរីកចម្រើនផ្នែកសេដ្ឋកិច្ចរបស់ប្រទេស និងការរីកចម្រើនរបស់ក្រុមហ៊ុន SIM សាលា SCIA ត្រូវបានបង្កើតឡើងនៅកម្ពុជាដែលជាការវិនិយោគនៅក្រៅប្រទេសសិង្ហបុរីដំបូងគេរបស់ក្រុមហ៊ុននេះ។
ចាប់យកបេសកកម្មភ្លោះរបស់សាលា SCIA គឺ «Doing Good» និង «Doing Well» ក្រៅពីការផ្តល់ការអប់រំប្រកបដោយគុណភាពខ្ពស់យើងប្តេជ្ញាយ៉ាងពេញលេញ និងគ្រប់ជ្រុងជ្រោយក្នុងគំនិតផ្តួចផ្តើមនូវការទទួលខុសត្រូវសង្គម (CSR)។ ទាំងនេះរួមបញ្ចូលទាំងការផ្តល់អាហារូបករណ៍ និងការខិតខំប្រឹងប្រែងចំពោះការទទួលខុសត្រូវសង្គម ដើម្បីគាំទ្រដល់បុព្វហេតុការអប់រំយុវជន និងកុមារ។
សាលា SCIA នឹងបន្តវិនិយោគបន្ថែមទៀតលើការអភិវឌ្ឍជំនាញវិជ្ជាជីវៈសម្រាប់គ្រូបង្រៀននៅកម្ពុជាជាមួយមជ្ឈមណ្ឌលអភិវឌ្ឍន៍ការអប់រំ (EDC) របស់យើងដើម្បីបង្កើនគុណភាពនៃការបណ្តុះបណ្តាលគ្រូបង្រៀននៅកម្ពុជា។ ចំណុចនេះគឺវាមានឥទ្ធិពលជាច្រើនទៅលើវឌ្ឍនភាពរបស់កុមារនៅក្នុងវិស័យអប់រំ។
នៅថ្ងៃទី ១៣ ខែសីហានេះគឺតែប៉ុន្មានថ្ងៃបន្ទាប់ពីទិវាបុណ្យឯករាជ្យជាតិសិង្ហបុរីសាលាអន្តរជាតិ SCIA នឹងស្វាគមន៍ថ្ងៃចូលរៀនដំបូងរបស់សិស្សថ្នាក់បឋមសិក្សារហូតដល់ថ្នាក់វិទ្យាល័យរបស់ខ្លួន។
ភាពជោគជ័យរបស់ប្រទេសសិង្ហបុរី គឺផ្តោតលើការផ្តល់ការអប់រំ និងជំនាញដល់ពលរដ្ឋវ័យក្មេងដើម្បីឲ្យត្រៀមខ្លួនសម្រាប់ពេលអនាគត ដូច្នេះហើយសាលា SCIA ក៏មានបំណងជួយសម្រេចភាពជោគជ័យនេះឲ្យបានដូចគ្នាសម្រាប់ប្រទេសកម្ពុជាផងដែរដោយគាស់បង្ហាញអំពីសក្តានុពលរបស់អនាគតអ្នកដឹកនាំជាច្រើនតាមរយៈការអប់រំ។
យើងសូមថ្លែងអំណរគុណយ៉ាងជ្រាលជ្រៅចំពោះសិស្សានុសិស្សរបស់យើងឪពុកម្តាយរបស់ពួកគេ ក៏ដូចជាដៃគូអាជីវកម្ម និងបុគ្គលិករបស់យើងទាំងអស់ដែលបានផ្តល់ភាពជឿជាក់ និងទំនុកចិត្តដ៏ខ្លាំងក្លារបស់ពួកគេមកលើយើង ហើយបានធ្វើដំណើរជាមួយគ្នានៅក្នុងកិច្ចខិតខំប្រឹងប្រែងមួយនេះដែលបានបើកដំណើរការក្រៅប្រទេសលើកដំបូងនៅក្នុងប្រទេសកម្ពុជា។
តាងនាមឱ្យសាលាអន្តរជាតិ SCIA និងក្រុមហ៊ុន SIM Group យើងសូមជូនពរសន្ដិភាព និងភាពចម្រុងចម្រើនដល់ប្រទេសសិង្ហបុរីនៅទិវាឯករាជ្យ ជាតិលើកទី 53 របស់ខ្លួន!
សិង្ហបុរីឆ្ពោះទៅមុខបន្តទៀត!៕ SCIA