ថ្ងៃនេះថ្ងៃទី ៩ ខែឧសភា យើងប្រារព្ធទិវាអឺរ៉ុប។ ថ្ងៃទី ៩ ឧសភា គឺជាទិវា ដែលក្នុងឆ្នាំ ១៩៥០ រដ្ឋមន្រ្តីការបរទេសបារាំង លោក Robert Schuman បានដាក់សំណើដែលនាំឲ្យមានការបង្កើតសហគមន៍ធ្យូងថ្ម និងដែកអឺរ៉ុប ហើយនៅទីបំផុត នាំឲ្យមានការបង្កើតសហភាពអឺរ៉ុប។
តាំងពីការចាប់ផ្តើម សហភាពអឺរ៉ុប ធ្វើអ្វីៗ គឺអំពីការចែករំលែក៖ ធនធានរួមគ្នា អត្ថប្រយោជន៍រួមគ្នា តម្លៃរួមគ្នា អធិបតេយ្យភាពរួមគ្នា។ វាកើតចេញពីការបំផ្លាញពាក់កណ្តាលដំបូងនៃសតវត្សរ៍ទី ២០ នៅ អឺរ៉ុប ចេញពីចក្ខុវិស័យដែលថា ត្រូវតែមានវិធីសាស្រ្តល្អប្រសើរមួយនៃការធ្វើអ្វីៗនិងប្រព័ន្ធល្អប្រសើរមួយនៃទំនាក់ទំនងរវាងរដ្ឋនានា។
សហភាពអឺរ៉ុប មិនមែនល្អឥតខ្ចោះទេ ប៉ុន្តែជាសហគមន៍អឺរ៉ុប ហើយសហភាពអឺរ៉ុប ជាមូលដ្ឋាន សម្រាប់សន្តិភាពអស់រយៈពេល ៧០ ឆ្នាំមកហើយ ជាមូលដ្ឋាន សម្រាប់ការបង្រួបង្រួម អាល្លឺម៉ង់ និង អឺរ៉ុប ជាមូលដ្ឋានសម្រាប់ការបង្កើតប្លុកពាណិជ្ជកម្មធំបំផុត របស់ពិភពលោក និងជាមូលដ្ឋាន សម្រាប់ជោគជ័យ នៅក្នុងការដោះស្រាយបញ្ហាប្រឈមក្នុងសង្គមនិងបរិស្ថានដែលមិនអាចសម្រេចបានដោយរដ្ឋសមាជិកតែឯង។
ចក្ខុវិស័យ របស់សហភាពអឺរ៉ុប ដែលផ្អែកទៅលើអត្ថប្រយោជន៍រួមគ្នាធនធានរួមគ្នានិងអធិបតេយ្យ រួមគ្នានៅតែជាអ្វីដែលសំខាន់។ នោះគឺជាការពិតនៅពេលមួយដែលផ្នែកជាច្រើននៃពិភពលោក ហាក់បីដូចជាមានការត្រឡប់ទៅរកនយោបាយប្រកួតប្រជែង និងប្រឈមមុខដាក់គ្នា។
ឥឡូវនេះ យើងជាពិភពលោកសកលភាវូបនីយកម្ម យើងប្រឈមមុខនឹងបញ្ហាប្រឈម ដូចជា ការប្រែប្រួលអាកាសធាតុ ភាពជ្រុលនិយម ឧក្រិដ្ឋកម្មអន្តរជាតិ ដែលយើងអាចដោះស្រាយមានប្រសិទ្ធភាពលុះត្រាតែធ្វើការរួមគ្នា។
សហភាពអឺរ៉ុប ក៏ផ្អែកផងដែរលើចក្ខុវិស័យនៃមជ្ឈត្តការរបស់ពលរដ្ឋ និងនីតិរដ្ឋ។ រដ្ឋគួរតែបម្រើតម្រូវការនិងអត្ថប្រយោជន៍របស់ពលរដ្ឋខ្លួន ហើយគួរតែមានលក្ខណៈស្មើភាពគ្នានៅចំពោះមុខច្បាប់គឺ «ខ្ញុំមិនដែលខ្ពស់ខ្លាំងទេច្បាប់គឺនៅលើខ្ញុំ»។
ជាអន្តរជាតិ សហភាពអឺរ៉ុបតំណាងឲ្យបទបញ្ជាដែលផ្អែកទៅលើវិធាន ហើយអនុវត្តស្មើភាពគ្នាទៅលើអ្នកខ្លាំងនិងអ្នកខ្សោយអនុវត្តស្មើភាពគ្នាចំពោះរដ្ឋទាំងអស់ដោយមិនគិតថា ធំឬតូច មានឬក្រ ឬមានអំណាចយោធា ឬអត់នោះទេ។
ជាលក្ខណៈអន្តរជាតិរួមទាំងក្នុងប្រទេសកម្ពុជា សហភាពអឺរ៉ុប ធ្វើការងារដើម្បីគាំទ្រសន្តិភាពនិងការអភិវឌ្ឍ។ វិធីសាស្រ្តរបស់យើង គឺត្រូវបានកសាងនៅជុំវិញគោលដៅអភិវឌ្ឍន៍ប្រកបដោយចីរភាពដែលជាការប្តេជ្ញាចិត្តសម្រាប់សហភាពសកលទាំងមូល។
គោលដៅទាំងនោះមិនត្រឹមតែជាភាពសំខាន់នៃការអភិវឌ្ឍដែលភាពរីកចម្រើននាំប្រជាជនចេញពីភាពក្រីក្រ និង ធានាឲ្យមានសុខភាពការអប់រំ ទឹកស្អាត និង ការហូបចុកគ្រប់គ្រាន់ទេ ប៉ុន្តែថែមទាំងជាតម្រូវការដែលត្រូវធ្វើនៅក្នុងវិធីមួយដែលមានលក្ខណៈយុត្តិធម៌ទាំងអស់គ្នានិងរក្សានិងការពារប្រព័ន្ធធម្មជាតិ ដែលជីវិតទាំងអស់ពឹងផ្អែក។ យើងទន្ទឹងរង់ចាំបន្តធ្វើការងារជិតស្និទ្ធជាមួយកម្ពុជាលើរបៀបវារៈសំខាន់នេះ។
យើងក៏ឲ្យតម្លៃខ្លាំងផងដែរចំពោះទំនាក់ទំនងរបស់យើងជាមួយអាស៊ាន។ យើងទន្ទឹងរង់ចាំការពង្រឹងទំនាក់ទំនងបន្ថែមទៀតរវាងគម្រោងសមាហរណកម្មតំបន់ជាន់ខ្ពស់បំផុត ២ របស់ពិភពលោក។ យើងនឹងរៀបចំកិច្ចប្រជុំមេដឹកនាំអឺរ៉ុប‑អាស៊ាន នៅទីក្រុង Brussels នាពេលខាងមុខ ក្នុងឆ្នាំនេះ បន្ទាប់ពីកិច្ចប្រជុំកំពូល ASEM (កិច្ចប្រជុំ អាស៊ី‑អឺរ៉ុប)។
យើងស្វាគមន៍ការអញ្ជើញប្រធានក្រុមប្រឹក្សាអឺរ៉ុប កាលពីឆ្នាំមុនចូលរួមជាភ្ញៀវ នៅក្នុងកិច្ចប្រជុំកំពូលអាស៊ីបូព៌ាហើយសង្ឃឹមថា យើងអាចបន្តកសាងបន្តទៀតនាឆ្នាំនេះនិងនាពេលអនាគត។
ឆ្នាំ ២០១៨ ត្រូវបានរៀបចំជាឆ្នាំបេតិកភណ្ឌវប្បធម៌អឺរ៉ុប។ វាជាពេលដែលត្រូវប្រារព្ធវប្បធម៌ផ្សេងៗ របស់យើង នៅអឺរ៉ុបនិងក្រៅអឺរ៉ុប។ បេតិកភណ្ឌវប្បធម៌គឺជាអត្តសញ្ញាណរបស់យើងនិងជាជីវិតប្រចាំថ្ងៃរបស់យើង។ វានៅជុំវិញយើងនៅក្នុងក្រុងរបស់យើង ធម្មជាតិ និងតំបន់បុរាណវិទ្យា។ វាមិនត្រឹមតែត្រូវបានបង្កើតក្នុងលក្ខណៈជាអក្សរសាស្រ្ត សិល្បៈ និងវត្ថុទេ ប៉ុន្តែថែមទាំងជំនាញដែលយើងរៀនពីដូនតារបស់យើងរឿងរ៉ាវដែលយើងប្រាប់ទៅកូនចៅរបស់យើង អាហារដែលយើងរីករាយទទួលទាននៅក្រុមហ៊ុន និងភាពយន្តដែលយើងមើលនិងទទួលស្គាល់។
ការទទួលស្គាល់និងការយល់អំពីបេតិកភ័ណ្ឌវប្បធម៌របស់យើង គឺសំខាន់ ដោយសារវាជួយយើង ឲ្យយល់ថា តើយើងជានរណាពីព្រោះវាជាផ្នែកនៃអ្វីដែលធ្វើឲ្យយើងក្លាយជាសហគមន៍ជាជាងលក្ខណៈបុគ្គល និងដោយសារវារំឭកយើងថា មានគំនិត និងតម្លៃដែលលើសពីសព្វថ្ងៃ និងសម្ភារ។
ចំណេះដឹង នៃវប្បធម៌របស់គ្នាទៅវិញទៅមកធ្វើឲ្យយើងយល់ប្រសើរជាងមុនអំពីអ្វីដែលយើងមាន និងកន្លែងដែលយើងខុសគ្នាប្រពៃណីរបស់យើង របៀបនឹងការយល់របស់យើង និងការដោះស្រាយជាមួយពិភពលោក។
ខ្ញុំសង្ឃឹមថា ឆ្នាំខាងមុខ នឹងឃើញមានការពង្រឹងប្រសើរជាងមុន នៃការផ្សារភ្ជាប់គ្រប់ប្រភេទ នយោបាយ ពាណិជ្ជកម្ម ការអប់រំ វប្បធម៌ ដែលកើតមានរវាងសហភាពអឺរ៉ុបនិងប្រទេសកម្ពុជា។ យើងនឹងធ្វើការជាមួយគ្នាសម្រាប់ការអភិវឌ្ឍនិងដោះស្រាយបញ្ហាប្រឈមសកលដែលយើងទាំងអស់គ្នាកំពុងប្រឈម៕ PS
ដោយលោក George ED-GAR ឯកអគ្គរដ្ឋទូតសហភាពអឺរ៉ុបប្រចាំកម្ពុជា។