.jpg)
រូបភាពបង្ហាញពីគម្រោងសាងសង់បណ្តុំដឹកជញ្ជូនបញ្ចូលឧស្ម័នអ៊ីដ្រូហ្សែន។ រូបថត Kogas
ក្រុមហ៊ុន Korea Gas Corporation របស់កូរ៉េខាងត្បូង បានឲ្យដឹងកាលពីថ្ងៃសុក្រថា ខ្លួននឹងចាប់ដៃគូជាមួយទីក្រុង Changwon និងទីក្រុង Tongyeong នៅខេត្ត Gyeongsang ភាគខាងត្បូងដើម្បីសាងសង់ស្ថានីយ៍បញ្ចូលឧស្ម័នអ៊ីដ្រូហ្សែនត្រឹមឆ្នាំ ២០២២។
ផែនការនេះសាងសង់ស្ថានីយ៍បញ្ចូលឧស្ម័នអ៊ីដ្រូហ្សែនមួយនេះ បានធ្វើឡើងបន្ទាប់ពីក្រុមហ៊ុន Kogas និងទីក្រុងពីរនៅភាគខាងត្បូង នៅពេលថ្មីៗនេះ បានប្រើប្រាស់ជាប្រតិបត្តិករនៃគម្រោងសាកល្បងសម្រាប់ការបង្កើតទីកន្លែងដឹកជញ្ជូនអ៊ីដ្រូហ្សែនមួយ ដោយក្រសួងដែនដី ហេដ្ឋារចនាសម្ព័ន្ធ និងដឹកជញ្ជូន។
ក្រសួងបានពន្យល់ថា គម្រោងសាងសង់ទីកន្លែងប្រមូលផ្តុំដឹកជញ្ជូនអ៊ីដ្រូហ្សែន គឺជាគំរូអាជីវកម្មថ្មីមួយ សម្រាប់ការសាងសង់ស្ថានីយ៍បញ្ចូលអ៊ីដ្រូហ្សែនដែលមានសមត្ថភាពខ្ពស់ រួមជាមួយនឹងអគារដែលជាប់ពាក់ព័ន្ធជាច្រើន ដែលមានតម្រូវការខ្ពស់ ដូចជាមជ្ឈមណ្ឌលឆ្លងកាត់ជាច្រើន ស្ថានីយ៍រថភ្លើង ឬយានដ្ឋាន ដូច្នេះក្រសួងត្រូវតែគិតពីការប្រើប្រាស់ និងការពង្រីក។
ស្ថានីយ៍បញ្ចូលឧស្ម័នរួមគ្នាតែមួយ ដែលជាកន្លែងដឹកជញ្ជូនអ៊ីដ្រូហ្សែន នឹងអាចផ្ដល់ប្រេងឥន្ធនៈ សម្រាប់យានយន្តប្រភេទផ្សេងៗប្រើប្រាស់ អ៊ីដ្រូហ្សែន ឧស្ម័នធម្មជាតិ ឥន្ធនៈឧស្ម័ន និងស្ថានីយ៍អគ្គិសនី។ នេះបើយោងតាមក្រុមហ៊ុន Kogas ។
មន្ដ្រីនៅក្រុមហ៊ុន Kogas បានឲ្យដឹងថា៖ «តាមរយៈការបង្កើតកន្លែងដឹកជញ្ជូនអ៊ីដ្រូហ្សែននេះ យើងនឹងបង្កើនល្បឿនផ្លាស់ប្តូរដែលមិនប៉ះពាល់បរិស្ថាននៅក្នុងរថយន្តដឹកទំនិញ ១៤ ០០០ គ្រឿង ដែលចូលកំពង់ផែ Jinhae New Port»។
មន្ដ្រីនេះបន្តថា៖ «យើងក៏នឹងរួមចំណែកដល់គោលនយោបាយទីក្រុងរបស់ទីក្រុង Tongyeong ក្នុងការដាក់ឲ្យប្រើប្រាស់រថយន្តក្រុងប្រើប្រាស់អ៊ីដ្រូហ្សែនចំនួន ១១៣ គ្រឿង ត្រឹមឆ្នាំ ២០៣០»។
ទន្ទឹមនឹងនេះក្រុមហ៊ុន Kogas ថ្មីៗនេះបានដឹកនាំការរៀបចំមួយដើម្បីដាក់ឲ្យដំណើរការការិយាល័យកណ្ដាលពាណិជ្ជកម្មអ៊ីដ្រូហ្សែនថ្មីមួយ ដោយមានការច្របាច់បញ្ចូលគ្នា និងការទិញភាគហ៊ុន និងនាយកដ្ឋានវិនិយោគ ដើម្បីពង្រីកតួនាទីរបស់ខ្លួននៅក្នុងវិស័យថាមពលនៅពេលអនាគត៕ LA
