.jpg)
ក្រុមអ្នកតវ៉ាអ៊ីរ៉ាក់ ស្រែកពាក្យស្លោក និងគ្រវីទង់ជាតិនៅក្នុងការប៉ះអង្គិចជាមួយកម្លាំងសន្តិសុខ នៅពេលតវ៉ាប្រឆាំងនឹងភាពអត់ការងារធ្វើ និងកង្វះសេវាសាធារណៈ។ AFP
ក្រុងបាកដាដៈ ការតវ៉ាថ្មីៗ បានធ្វើឲ្យប៉ះពាល់អ៊ីរ៉ាក់ភាគខាងត្បូងកាលពីថ្ងៃអាទិត្យ ខណៈប្រភពសុខាភិបាល បានដាក់ចំនួនអ្នកតវ៉ា ១១ នាក់ដែលត្រូវបានគេសម្លាប់នៅក្នុងរយៈពេល ២ សប្តាហ៍នៃភាពចលាចល ដែលបង្កឡើងដោយកំហឹងជុំវិញអំពើពុករលួយ និងកង្វះសេវាសាធារណៈ។
កងកម្លាំងសន្តិសុខ នៅតែត្រូវបានដាក់ពង្រាយនៅជុំវិញក្រុងបាកដាដ ក្រោយពីការតស៊ូយ៉ាងស្វិតស្វាញកាលពីថ្ងៃសុក្រ ដើម្បីបំបែកហ្វូងអ្នកតវ៉ាប្រកបកំហឹងដែលបានឡើងទៅតាមដងផ្លូវនានា។
ការតវ៉ានោះ បានធ្វើឲ្យប្រទេសអ៊ីរ៉ាក់ភាគខាងត្បូង និងភាគកណ្តាលមានការរង្គោះរង្គើ ចាប់តាំងពីបានផ្ទុះឡើងនៅក្នុងក្រុងកំពង់ផែ Basra សម្បូរដោយប្រេង កាលពីថ្ងៃទី៨ខែកក្កដា នៅពេលកងកម្លាំងសន្តិសុខ បានបើកការវាយប្រហារ ដោយបានបណ្តាលឲ្យមនុស្សម្នាក់ ស្លាប់។
ប្រភពសុខាភិបាល បានដាក់ចំនួនអ្នកស្លាប់នៅក្នុងភាពចលាចលនៅត្រឹម១១នាក់បីនាក់ បីនាក់នៅក្នុងក្រុងនីមួយៗមានដូចជានៅក្នុងក្រុង Basra ក្រុងSamawah និងក្រុង Najaf និងម្នាក់នៅក្រុង Diwaniyah ហើយម្នាក់ទៀតនៅក្នុងក្រុង Karbala៕ PSA
