.jpg)
ក្បួនរថយន្តបាឡាំងដាសយោធាតួកគីបើកល្បាតនៅតាមបណ្តោយផ្លូវមួយនៅក្នុងតំបន់ជនបទនៃខេត្តហាម៉ាកាលពីថ្ងៃ ១៧ ខែ មីនា។ រូបថត AFP
ក្រុងបេរូតៈ ក្រុមឃ្លាំមើលសិទ្ធិមនុស្ស បាននិយាយកាលពីថ្ងៃអាទិត្យថា គ្រាប់មីន ដែលបានបន្សល់ទុកដោយក្រុមជីហាដជ្រុសនិយម បានផ្ទុះ ដោយបណ្តាលឲ្យមនុស្សយ៉ាងតិច ១៧ នាក់ ស្លាប់ នៅស៊ីរី នៅក្នុងរយៈពេល ២៤ ម៉ោងនៅចុងសប្តាហ៍។
ក្រុមឃ្លាំមើលសិទ្ធិមនុស្ស ស៊ីរី បាននិយាយថា អាវុធយុទ្ធភណ្ឌ ដែលក្រុមក្រុមជីហាដជ្រុលនិយមបន្សល់ទុក បានផ្ទុះនៅខេត្ត Deir Ezzor ភាគខាងកើត កាលពីថ្ងៃសៅរ៍ ដោយបានបណ្តាលឲ្យមនុស្ស ១៦ នាក់ស្លាប់ និង ៣២ នាក់ផ្សេងទៀតរងរបួស។
ក្រុមឃ្លាំមើលសិទ្ធិមនុស្សនោះបាននិយាយថា មានការផ្ទុះគ្រាប់មីនដាច់ដោយឡែកពីគ្នានៅខេត្តអាឡិបប៉ូ ភាគខាងជើងកាលពីថ្ងៃអាទិត្យ បានបង្កឲ្យមនុស្សម្នាក់ស្លាប់។
ក្រុមជីហាដជារឿយៗ បានបង្កៃមីនដើម្បីបន្ថយល្បឿនរុលចូលរបស់សត្រូវ។
រថយន្តនិងសម្ភារផ្សេងៗដែលក្រុមយុទ្ធជន IS បន្សល់ទុក។ រូប AFP
ការដោះមីនចេញពីអតីតទីតាំងឈរជើងរបស់ក្រុមជីហាដបានបន្តប្រកួតប្រជែងដ៏សំខាន់មួយនៅក្នុងតំបន់ ដែលបានរំដោះឲ្យរួចផុតពីក្រុមជីហាដនិយមនោះ។
កាលពីខែមុន មានជនស៊ីវិល ជាង ២០ នាក់ បានស្លាប់នៅក្នុងខេត្តហាម៉ា នៅស៊ីរីភាគកណ្តាល នៅពេលដែលគ្រាប់មីនមួយគ្រាប់ដែលក្រុមជីហាដបានបន្សល់ទុកនោះបានផ្ទុះនៅពីក្រោមរថយន្តមួយ។
ក្រុមសិទ្ធិមនុស្ស បានបន្តថា មនុស្សយ៉ាងតិច ៤៤ នាក់បានស្លាប់ ដោយសារតែការផ្ទុះគ្រាប់មីននៅទូទាំងប្រទេស ស៊ីរី ក្នុងរយៈពេល ៣ សប្តាហ៍ចុងក្រោយនេះ។
រយៈពេលជាង ៤ ឆ្នាំ ក្រោយពីក្រុម IS កាន់កាប់ផ្នែកជាច្រើននៃប្រទេស ស៊ីរី និងអ៊ីរ៉ាក់ ដែលជិតខាង និងបានប្រកាស «រដ្ឋកាលិហ្វ» ដែលក្រុមជីហាដ បាត់បង់បន្តិចម្តងៗ ក្រោយពីកម្លាំងរដ្ឋាភិបាលវាយដណ្តើមកាន់កាប់៕ AFP/SK
