.jpg)
លោកស្រីអធិការបតីអាល្លឺម៉ង់ អេនជេឡា មឺរកែល ថ្លែងនៅក្នុងអំឡុងប្រារព្ធទិវាជនភៀសខ្លួនពិភពលោកកាលពីថ្ងៃទី២០ ខែមិថុនា។ AFP
ក្រុងប៊្រុចសែលៈក្រុមមេដឹកនាំនៃប្រទេស EU ចំនួន ១០ នឹងធ្វើការពិភាក្សាអំពីវិបត្តិចំណាកស្រុកនៅក្រុង ប្រ៊ុចសែល នៅថ្ងៃអាទិត្យ ក្នុងគោលបំណងប្រឆាំងនឹងចលនារបស់ក្រុមអ្នកស្វែងរកសិទ្ធិជ្រកកោណក្នុងចំណោម ប្រទេសជាសមាជិក ដែលជាប្រភពនៃភាពតានតឹងនៅក្នុងប្លុកនេះ។
ប្រមុខគណៈកម្មាការអឺរ៉ុបលោក Jean-Claude Juncker បានកោះប្រជុំនៅនាទីចុងក្រោយ ខណៈបញ្ហាជាច្រើនបណ្តាលឲ្យមានការបែកបាក់នាពេលថ្មីៗនេះនៅអឺរ៉ុប រយៈពេលបីឆ្នាំក្រោយពីប្លុកនេះ បានប្រឈមនឹងវិបត្តិចំណាកស្រុកដ៏ធំបំផុត ចាប់តាំងពីសង្រ្គាមលោកលើកទី២មក។
រដ្ឋាភិបាលចម្រុះរបស់អធិការបតីអាល្លឺម៉ង់លោកស្រី អេនជេឡា មឺរកែល កំពុងស្ថិតនៅក្រោមការគំរាមកំហែង និងមានជម្លោះមួយជុំវិញជនចំណាកស្រុកមួយទូកដែលត្រូវបានជួយសង្រ្គោះចេញពីមហាសមុទ្រមេឌីទែរ៉ាណេ ដែលពួកគេត្រូវបានបង្វែរទិសដៅដោយរដ្ឋរដ្ឋាភិបាលស្តាំនិយមរបស់អ៊ីតាលី។
កាលពីថ្ងៃពុធ ប្រទេសហុងគ្រី បានអនុម័តច្បាប់មួយ ដោយបានចាត់ទុកក្រុមផ្តល់ជំនួយ ដែលជួយក្រុមជនចំណាកថា ប្រព្រឹត្តអំពើឧក្រិដ្ឋកម្ម៕ PSA
