.jpg)
លោក មូន ជេអុីន (ឆ្វេង) និងភរិយា លោកស្រី គីម ជុងស៊ុក គ្រវីដៃចេញពីយន្តហោះនៅពេលមកដល់ព្រលានយន្តហោះអន្តរជាតិភ្នំពេញ។ AFP
ក្រុងសេអ៊ូលៈ លោក មូន ជុងអ៊ីន ទីប្រឹក្សាសន្តិសុខជាន់ខ្ពស់របស់ប្រធានាធិបតីកូរ៉េខាងត្បូង បានថ្លែងថា កូរ៉េខាងជើង គួរតែចាត់វិធានការជាក់ស្តែងឈានដល់ការលុបបំបាត់អាវុធនុយក្លេអ៊ែរ ដើម្បីទម្លាយភាពទាល់ច្រកក្នុងការចរចាជាមួយក្រុងវ៉ាស៊ីនតោនដោយបានបញ្ជាក់ថា ភាពអត់ធ្មត់របស់ក្រុងសេអ៊ូលជាមួយក្រុងព្យុងយ៉ាង កំពុងថយចុះបន្តិចម្តងៗ។
លោកប្រធានាធិបតី មូន ជេអ៊ីន ដើរតួនាទីក្នុងការសម្របសម្រួលការចរចារវាងក្រុងព្យុងយ៉ាង និងក្រុងវ៉ាស៊ីនតោន ដោយបាននាំឲ្យមានការប្រកួតកីឡាអូឡាំពិករដូវរងាឆ្នាំ ២០១៨ នៅកូរ៉េខាងត្បូង ដែលបានធ្វើការទំនាក់ទំនងការទូតរីកចម្រើនយ៉ាងឆាប់រហ័ស ក្រោយពីការសាកល្បងមីស៊ីល ការគំរាមកំហែងនិងភាពតានតឹងរយៈពេល ១ ឆ្នាំមកនោះ។
លោក មូន ជុងអុីន និយាយជាមួយអ្នកកាសែត AFP នៅក្រុងសេអ៊ូល។ AFP
ប៉ុន្តែជំនួបកំពូលលើកដំបូងរវាងមេដឹកនាំកូរ៉េខាងជើងលោក គីម ជុងអ៊ុន និងលោកប្រធានាធិបតីអាមេរិក ដូណាល់ ត្រាំ នៅប្រទេស សិង្ហបុរី កាលពីខែមិថុនា ឆ្នាំ ២០១៨ បានធ្វើការប្តេជ្ញាមិនច្បាស់លាស់ដើម្បីធ្វើការងារឈានទៅរកការលុបបំបាត់អាវុធនុយក្លេអ៊ែរពីឧបទ្វីបកូរ៉េ៕ AFP/PSA
