.jpg)
មេដឹកនាំចលនា ការពារការសិទ្ធិមនុស្សPashtun លោក Manzoor Pashteen ចូលរួមក្នុងបទសម្ភាសជាមួយAFP នៅក្នុងក្រុងអ៊ិស្លាម៉ាបាដ។ AFP
ក្រុងប៉េសាវ៉ារៈ ប៉ូលិសបានថ្លែងកាលពីថ្ងៃចន្ទថា មេដឹកនាំសិទ្ធិមនុស្ស Pashtun ដ៏មានឥទ្ធិពលម្នាក់ ដែលបានចោទប្រកាន់យោធាដ៏មានអំណាចម្តងហើយម្តងទៀត ពីបទរំលោភអំណាច ត្រូវបានចាប់ខ្លួននៅក្នុងទីក្រុងភីស្សាវ៉ារភាគពាយព្យប្រទេស ប៉ាគីស្ថាន។
មន្ត្រីប៉ូលិសលោក Shiraz Khan បានថ្លែងថា លោក Manzoor Pashteen ជាប្រធានចលនាការពារសិទ្ធិមនុស្ស Pashtun (PTM) បានបង្ហាញខ្លួននៅមុខអង្គចៅក្រម ក្រោយពីត្រូវបានកំពុងឃុំខ្លួនរយៈពេលខ្លីនៅពេលយប់អធ្រាត្រ។
លោក Khan បានថ្លែងថាលោក Pashteen នឹងត្រូវផ្ទេរទៅកាន់ស្រុកផ្សេងទៀត ជាទីដែលលោកត្រូវរងការចោទប្រកាន់រួមមានការបះបោរ ការធ្វើសុន្ទរកថាញុះញង់ ការបង្កហេតុប្រឆាំងរដ្ឋ និងប្រព្រឹត្តបទឧក្រិដ្ឋ។
អតីតនិស្សិតពេទ្យសត្វនិងជាចលនាក្រុម PTM របស់លោក បានរិះគន់យោធា ចាប់តាំងពីឆ្នាំ២០១៨ ដោយបានអំពាវនាវឲ្យបញ្ចប់ការរំលោភអំណាចដែលរងការចោទប្រកាន់របស់កងកម្លាំងសន្តិសុខ ដែលបានកំណត់គោលដៅទៅលើក្រុម Pashtuns ភាគតិច នៅក្នុងតំបន់ក្រុមកុលសម្ព័ន្ធហិង្សានៅតាមព្រំដែនជាមួយប្រទេស អាហ្វហ្គានីស្ថាន៕ SK
