.jpg)
អគ្គលេខាបក្ស FFP (អាវខ្មៅកណ្តាល) នៅក្នុងចំណោមហ្វូងមនុស្ស។
ក្រុងបាងកក៖ មេដឹកនាំគណបក្សអនាគតឆ្ពោះទៅមុខលោក ថាណាថន ជីងរុងរឿងគីត បានថ្លែងកាលពីថ្ងៃសៅរ៍ថា ប្រទេស ថៃ ស្ថិតនៅក្នុងវិបត្តិមួយដែលនៅក្នុងនោះខ្លួនត្រូវតែសម្រេចចិត្តថា តើនឹងត្រូវការសរសេរច្បាប់រដ្ឋធម្មនុញ្ញបច្ចុប្បន្នឡើងវិញជាការបង្ហូរឈាម ឬថាតើច្បាប់នេះគួរត្រូវបានធ្វើវិសោធនកម្ម ដោយមានការព្រមព្រៀងរបស់អ្នកគ្រប់គ្នា ឬយ៉ាងណានោះ?
លោក ថាណាថន ជីងរុងរឿងគីត កំពុងថ្លែងនៅឯវេទិកាមួយនៅក្នុងសាកលវិទ្យាល័យថាំម៉ាសាត ជាទីដែលគណបក្សរបស់លោក បានចុះកិច្ចព្រមព្រៀងមួយ ជាមួយក្រុមគណបក្សប្រឆាំង ៦ ផ្សេងទៀត ដែលបានប្តេជ្ញាជំរុញរួមគ្នាដើម្បីឲ្យធ្វើវិសោធនកម្មច្បាប់រដ្ឋធម្មនុញ្ញ ដែលពួកគេបានចាត់ទុកថា ជាផលិតផលរបស់អំណាចផ្តាច់ការ។
មេដឹកនាំគណបក្សអនាគតឆ្ពោះទៅមុខបានថ្លែងថា ការធ្វើវិសោធនកម្មច្បាប់រដ្ឋធម្មនុញ្ញ គឺមិនអាចលើកលែងឲ្យបានជាដាច់ខាត ប៉ុន្តែច្បាប់នោះនៅតែរក្សាឲ្យនៅដដែល។ លោក ថាណាថន បានថ្លែងថា វាជាមធ្យោបាយមួយប៉ុណ្ណោះដែលអាចធ្វើឲ្យសង្គមចៀសផុតពីសេចក្តីស្លាប់។
លោក ថាណាថន បានថ្លែងថា វាដល់ពេលសម្រាប់ប្រជាជនថៃ ត្រូវបញ្ជាក់ជំហរឲ្យបានច្បាស់លាស់អំពីបញ្ហានោះ។
លោក ថាណាថន គ្រវីដៃដាក់ហ្វូងមនុស្សដែលកំពុងជួបជុំគ្នា។ BKP
លោក ថាណាថន បានបន្ថែមថា៖ «នេះមិនមែនជាពេលវេលាដែលត្រូវខ្មាសអៀន ឬស្ទាក់ស្ទើរអំពីបញ្ហានោះទេ»។
ក្រុមគណបក្សខ្លះកាលពីពេលកន្លងទៅត្រូវបានគេតែងតាំងជាសមាជិកកាន់នៅក្នុងតំណែងគណៈកម្មាធិការពិសេសនៅក្នុងសភា ដើម្បីសិក្សាពីការធ្វើវិសោធនកម្មច្បាប់រដ្ឋធម្មនុញ្ញ។
លោក ថាណាថន បានថ្លែងថា ការធ្វើវិសោធនកម្មរដ្ឋធម្មនុញ្ញ ត្រូវបានតម្រូវឲ្យធ្វើការដោះស្រាយបញ្ហាសង្គម និងជម្លោះនយោបាយ និងត្រូវធ្វើកំណែទម្រង់ ដែលផ្តោតទៅលើការបែងចែកអំណាចឡើងវិញដោយយុត្តិធម៌។
លោក ថាណាថន បានថ្លែងថា ក្រុមអ្នកធ្វើរដ្ឋប្រហារ បានរក្សាអំណាចរបស់ពួកគេ ដែលបានធ្វើឲ្យប្រទេសវិលត្រឡប់ថយក្រោយ ទៅកាន់ប៉ុន្មានទសវត្សរ៍មុន ដោយបានបន្ថែមថា ការប្រយុទ្ធប្រឆាំងនេះ នឹងមិនបញ្ចប់នោះទេ រហូតដល់ប្រជាធិបតេយ្យត្រូវបានស្តារឡើងទាំងស្រុង។
លោក ថាណាថន បានថ្លែងថា មតិយោបល់ដែលប្រទេសមួយនេះ បានរៀបចំធ្វើឲ្យមានសណ្តាប់ធ្នាប់ និងរបៀបរៀបរយឡើងវិញ ចាប់តាំងពីការធ្វើរដ្ឋប្រហារនៅខែ ឧសភា ឆ្នាំ ២០១៤ នោះ គឺជាការបោកប្រាស់ទេ៕ BKP/SK
