កាលពីថ្ងៃអង្គារ ទី ២៣ កុម្ភៈ ក្រុមសកម្មជនម៉ាឡេស៊ី បានធ្វើការដេញដោលតាមផ្លូវច្បាប់ដើម្បីបញ្ឈប់ការនិរទេសជនភៀសខ្លួនមីយ៉ាន់ម៉ាទៅកាន់មាតុភូមិរបស់ពួកគេ បន្ទាប់ពីមានការធ្វើរដ្ឋប្រហារនៅប្រទេសមីយ៉ាន់ម៉ា។
ជនចំណាកស្រុករួមមានជនជាតិភាគតិច កំពុងធ្វើដំណើរទៅមូលដ្ឋានយោធាមួយនៅឆ្នេរសមុទ្រភាគខាងលិចប្រទេសម៉ាឡេស៊ី ដើម្បីធ្វើដំណើរតាមនាវាកងទ័ពជើងទឹកទៅប្រទេសមីយ៉ាន់ម៉ា វិញ។
សហរដ្ឋអាមេរិក និងអង្គការសហប្រជាជាតិ បានរិះគន់ផែនការនេះហើយបានអំពាវនាវឱ្យទីភ្នាក់ងារជនភៀសខ្លួនរបស់អង្គការសហប្រជាជាតិទទួលបានសិទ្ធិទំនាក់ទំនងទៅអ្នកទាំងនោះ ដើម្បីវាយតម្លៃរកអ្នកដែលស្វែងរកសិទ្ធិជ្រកកោន។
ក្រុមមន្រ្តីបានទទូចថាអ្នកដែលត្រូវបានបញ្ជូនត្រឡប់ទៅវិញបានប្រព្រឹត្តបទល្មើសមួយចំនួនដូចជា ទិដ្ឋាការរបស់ពួកគេហួសសុពលភាព ព្រមទាំងមានជនជាតិភាគតិចរ៉ូហ៊ីងយ៉ាដែល ប្រទេសមីយ៉ាន់ម៉ា ទេមិនទទួលស្គាល់ជាដើម៕