.jpg)
លោក នីកូឡាស ម៉ាឌូរ៉ូ ថ្លែងនៅក្នុងជំនួបមួយកាលពីថ្ងៃទី ១៦ ខែ កញ្ញា។ AFP
ក្រុងបេណូសអ៊ារីស៖ លោករដ្ឋមន្ត្រីទំនាក់ទំនង Jorge Rodriguez បានថ្លែងតាមទូរទស្សន៍របស់រដ្ឋថា ក្រុមអាជ្ញាធរវ៉េណេស៊ុយអេឡាបានធ្វើការពិភាក្សាថ្នាក់ជាតិជាមួយក្រុមគណបក្សនយោបាយ។
កាលពីខែសីហា លោកប្រធានាធិបតី នីកូឡាស ម៉ាឌូរ៉ូ បានឈប់ចរចាជាមួយគណបក្សប្រឆាំង ដោយសារក្រុងវ៉ាស៊ីនតោនបង្កកទ្រព្យសម្បត្តិទាំងអស់របស់រដ្ឋាភិបាលវ៉េណេស៊ុយអេឡានៅអាមេរិក។
លោក Rodriguez បានថ្លែងថា៖ «យើងបានធ្វើការពិភាក្សាថ្នាក់ជាតិមួយ ដើម្បីចុះកិច្ចព្រមព្រៀងជាច្រើន ដែលរួមមានក្រុមអ្នកតំណាងរដ្ឋាភិបាល និងក្រុមអ្នកតំណាងគណបក្សនយោបាយ» ដោយបានបញ្ជាក់ថា នឹងមានកិច្ចពិភាក្សាទូលំទូលាយមួយទៀត និងកម្លាំងនយោបាយទាំងអស់ត្រូវបានស្វាគមន៍ឲ្យចូលរួម។
លោកក៏បានស្នើឲ្យបណ្តាប្រទេសក្រៅ សហការជាមួយក្រុងការ៉ាកាសជំនួសឲ្យការរៀបចំផែនការធ្វើការអន្តរាគមន៍ដោយយោធា។
ក្រុមអ្នកចូលរួមកិច្ចពិភាក្សានោះ រួមមានគណបក្សចលនាដើម្បីសង្គមនិយម គណបក្សអភិវឌ្ឍន៍ឆ្ពោះទៅមុខ និងបក្សនយោបាយដទៃទៀត។
យោងតាមទូរទស្សន៍រដ្ឋរបស់វ៉េណេស៊ុយអេឡាបានឲ្យដឹងថា កិច្ចព្រមព្រៀងខ្លះត្រូវបានសម្រេចរួចហើយ ដូចជាការប្រគល់គណបក្សសង្គមនិយមរួបរួមវ៉េណេស៊ុយអេឡាទៅឲ្យសភា ការដោះលែងអ្នកទោស ការប្រកាសបដិសេធទណ្ឌកម្មរបស់អាមេរិក និងការផ្លាស់ប្តូរដំណើរការបោះឆ្នោត៕ Sputnik/PSA
