.jpg)
(ពីឆ្វេង)លោកKim Gunn លោកLuo Zhaohui និងលោក Takeo Mori។ Yonhap
ក្រុងប៉េកាំង៖ ក្រសួងការបរទេសចិនបានឲ្យដឹងកាលពីថ្ងៃអាទិត្យថា ក្រុមអ្នកការទូតជាន់ខ្ពស់មកពីកូរ៉េខាងត្បូង ចិន និងជប៉ុន បានជួបគ្នានៅក្រុង Chengdu នៃប្រទេស ចិន ភាគនិរតីកាលពីសប្តាហ៍មុន ដើម្បីត្រៀមសម្រាប់ជំនួបត្រីភាគីរបស់ប្រទេសទាំង ៣ នៅពេលក្រោយក្នុងខែនេះ។
យោងតាមក្រសួងនោះ បានឲ្យដឹងថា នៅក្នុងអំឡុងកិច្ចពិភាក្សាកាលពីថ្ងៃសុក្រ នៅក្នុងចំណោមអនុរដ្ឋមន្ត្រីការបរទេសក្រុងសេអ៊ូលលោក Kim Gunn អនុរដ្ឋមន្ត្រីការបរទេសក្រុង ប៉េកាំង Luo Zhaohui និងអនុរដ្ឋមន្ត្រីការបរទេសជប៉ុន លោក Takeo Moriនៅក្រុមមន្ត្រីបានផ្លាស់ប្តូរគំនិតទាក់ទងនឹងការរៀបចំសម្រាប់ជំនួបនៅពេលខាងមុខនេះ។
លោកប្រធានាធិបតីកូរ៉េខាងត្បូង មូន ជេអ៊ីន លោកនាយករដ្ឋមន្ត្រីចិន លី កេឈាង និងនាយករដ្ឋមន្ត្រីជប៉ុន ស៊ីនហ្សូ អាបេ គ្រោងរៀបចំជំនួបត្រីភាគីមួយនៅក្នុងក្រុង Chengdu នៅថ្ងៃទី ២៤ ខែធ្នូ ដើម្បីពិភាក្សាអំពីកិច្ចសហប្រតិបត្តិការទៅលើបញ្ហាជាច្រើនដែលទំនងនឹងកិច្ចប្រឹងប្រែងសន្តិភាពជាមួយកូរ៉េខាងជើង។
ក្រសួងដដែលបានបន្ថែមទៀតថា ភាគីទាំង ៣ ក៏មានតម្រូវការដើម្បីឲ្យមានកិច្ចសហប្រតិបត្តិការត្រីភាគីយ៉ាងជិតស្និទ្ធ។
ជំនួបនៅពេលខាងមុខនេះ កើតឡើងចំពេលភាពតានតឹងកើនឡើងនៅឧបទ្វីបកូរ៉េបណ្តាលមកពីមានកង្វល់ជុំវិញទង្វើបង្កហេតុរបស់កូរ៉េខាងជើងដូចជាបាញ់មីស៊ីលបាលីស្ទិកឆ្លងទ្វីប ខណៈឱសានវាទចុងឆ្នាំ ដែលក្រុងព្យុងយ៉ាងកំណត់ឲ្យក្រុងវ៉ាស៊ីនតោនកាន់តែកៀកនោះ៕ Yonhap/PSA
