.jpg)
ភ្នំពេញ៖ នាព្រឹកថ្ងៃទី ២៦ ខែ មីនា ឆ្នាំ ២០២១ នេះ តារាចម្រៀងស្រីនៅផលិតកម្មហង្សមាស អ្នកនាង សុគន្ធ នីសា បានបង្ហើរសារប្រាប់តាមហ្វេសប៊ុកឱ្យដឹងថា អ្នកនាងបានជាពីជំងឺកូវីដ ១៩ ហើយ។
នៅមុននេះប៉ុន្មាននាទី អ្នកនាង សុគន្ធ នីសា បានសរសេរថា៖ «ថ្ងៃនេះខ្ញុំបាន ជាហើយ គ្រូពេទ្យថាខ្ញុំអាចចេញទៅផ្ទះវិញបានថ្ងៃនេះហើយ តែក៏ត្រូវបន្តការ ឃុំខ្លួនឱ្យនៅដាច់ដោយឡែកក្នុងបន្ទប់តែឯងចំនួន ១៤ ថ្ងៃបន្ថែមទៀតដែរ ខ្ញុំនឹងគោរពតាមគោលការនេះ ដើម្បីសុវត្ថិភាពក្រុមគ្រួសារខ្ញុំ»។
គួរបញ្ជាក់ថា តារាចម្រៀងស្រី សុគន្ធ នីសា បានធ្វើតេស្តវិជ្ជមានជំងឺកូវីដ ១៩ កាលពីថ្ងៃទី ១០ ខែ មិនា ឆ្នាំ ២០២១ ដោយអ្នកនាងបានបង្ហើរសារថា៖ «នាងខ្ញុំ សុគន្ធនិសា (sokunnisa ) បានធ្វើតេស្ត កូវីដ ១៩ ឥឡូវនេះ ជម្រាបជូនដល់បងប្អូនជាសាធារណៈថា ខ្ញុំបាន positive ហើយ គឺមានមេរោគនេះហើយ ចឹងសូមបងប្អូនទាំងអស់ មានការប្រុងប្រយ័ត្នឱ្យបានខ្ពស់ ដើម្បីសុវត្ថិភាព ខ្លួនឯង និងក្រុមគ្រួសារ សូមជូនពរឱ្យបងប្អូនទាំងអស់ ឆ្លងផុតពីជំងឺនេះ។
សូមទោសបងប្អូន ដែលខ្ញុំអត់បានឆ្លើយតប អធ្យាស្រ័យផងណាបងប្អូន ក្នុងចំណោមអ្នកផ្ទះខ្ញុំ ៧ នាក់ ដែលបានធ្វើតេស្តដោយក្រុមលោកគ្រូអ្នក គ្រូពេទ្យជំនាញ គឺមាន កើតតែខ្ញុំម្នាក់ តែប៉ុណ្ណោះ អ្នកផ្ទះខ្ញុំអត់មានទេ តែក៏ត្រូវផ្តាច់ខ្លួន ១៤ ថ្ងៃដែរ ហើយខាងផ្ទះម្តាយខ្ញុំ គឺអត់ពាក់ព័ន្ធឡើយ»៕
